National
ക്യൂബയിലേക്ക് കടക്കാന്‍ ശ്രമിക്കവെ മെഹുല്‍ ചോക്സി പിടിയില്‍
ആന്റിഗ്വ | പഞ്ചാബ് നാഷണല്‍ ബാങ്ക് തട്ടിപ്പ് കേസിലെ മുഖ്യപ്രതി വജ്രവ്യാപാരി മെഹുല്‍ ചോക്സി പിടയിയലായതായി റിപ്പോര്‍ട്ടുകള്‍. ക്യൂബയിലേക്ക് കടക്കാന്‍ ശ്രമിക്കുന്നതിനിടെ ഡൊമിനിക്കയില്‍ വെച്ചാണ് ഇയാള്‍ പിടിയിലായതെന്നാണ് റിപ്പോര്‍ട്ടുള്‍. ബോട്ടിലാണ് ഇയാള്‍ ഡൊമിനിക്കയില്‍ എത്തിയത്. ലുക്കൗട്ട് നോട്ടീസ് നിലവിലുള്ളതിനാല്‍ ഡൊമിനിക പോലീസ് ഇയാളെ പിടികൂടുകയായിരുന്നു. ചോക്സിയെ ആന്റിഗ്വ ആന്‍ഡ് ബര്‍ബുഡക്ക് കൈമാറും.
2017-ല്‍ ബാങ്ക് തട്ടിപ്പു പുറത്തുവന്നതിനു പിന്നാലെ കരീബിയന്‍ ദ്വീപുരാജ്യമായ ആന്റിഗ്വ ആന്‍ഡ് ബര്‍ബുഡയിലേക്ക് കടന്ന ചോക്സി, അവിടുത്തെ പൗരത്വം സ്വന്തമാക്കിയിരുന്നു. ഇതിനിടെ കഴിഞ്ഞ ദിവസം മെഹുല്‍ ചോക്സിയെ കാണാനില്ലെന്ന് റിപ്പോര്‍ട്ടുകള്‍ പുറത്തുവന്നിരുന്നു.
ഞായറാഴ്ച വൈകുന്നേരം വീട്ടില്‍ നിന്ന് രക്ഷപ്പെട്ട ഇയാളെ പിന്നീട് കാണാതായതായാണ് റിപ്പോര്‍ട്ടുകള്‍ വന്നിരുന്നത്. ആന്റിഗ്വയില്‍നിന്ന് ചോക്സിയെ കാണാതായതായി ജോണ്‍സണ്‍ പോയിന്റ് പോലീസ് സ്റ്റേഷന്‍ കേസ് രജിസ്റ്റര്‍ ചെയ്തിരുന്നു.
ചോക്സിയുടെ പൗരത്വം റദ്ദാക്കണമെന്ന് ആന്റിഗ്വയ്ക്കു മേല്‍ ഇന്ത്യന്‍ സര്‍ക്കാര്‍ സമ്മര്‍ദം ചെലുത്തിയിരുന്നു. ഇതേ തുടര്‍ന്നാണ് ഇയാള്‍ ക്യൂബയിലേക്ക് കടക്കാന്‍ ശ്രമിച്ചതെന്നാണ് സൂചന. ക്യൂബയില്‍ ഇയാള്‍ക്ക് സ്വത്തുക്കളുണ്ട്.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
