National
കൊവിഡ് വാക്സിനുകളും മരുന്നുകളും മറിച്ചു വിറ്റു; ഡോക്ടര് ഉള്പ്പെടെ മൂന്ന് പേര് അറസ്റ്റില്
ബെഗഗളൂരു | കൊവിഡ് വാക്സിനും മരുന്നുകളും മറിച്ച് വില്പ്പന നടത്തിയ സംഭവത്തില് കര്ണാടകയില് ഡോക്ടര് ഉള്പ്പെടെ മൂന്നു പേരെ അറസ്റ്റ് ചെയ്തു. ബെംഗളൂരു മഞ്ജുനാഥനഗര് പ്രാഥമികാരോഗ്യ കേന്ദ്രത്തിലാണ് സംഭവം. ഡോ. പുഷ്പിത, ഇവരുടെ ബന്ധു പ്രേമ എന്നിവരുള്പ്പെടെ മൂന്ന് പേരെയാണ് പോലീസ് അറസ്റ്റ് ചെയ്തത്.ഒരു ഡോസ് കൊവിഷീല്ഡ് വാക്സിന് 500 രൂപക്കാണ് സംഘം മറിച്ചുവിറ്റിരുന്നത്. സൗജന്യ വിതരണത്തിനെത്തിച്ച വാക്സിന് ഡോക്ടര് പുഷ്പിത ആദ്യം ബന്ധുവായ പ്രേമയുടെ വീട്ടിലേക്ക് കടത്തുകയും അവിടെ വച്ച് വില്ക്കുകയുമായിരുന്നു.
വ്യാജ കൊവിഡ് സര്ട്ടിഫിക്കറ്റുകള് തയാറാക്കുകയും റെംഡെസിവിര് മരുന്നു കരിഞ്ചന്തയില് വില്ക്കുകയും ചെയ്തിരുന്ന സംഘത്തെയും പോലീസ് പിടികൂടിയിട്ടുണ്ട്. ഡോ. ബി ശേഖര്, പ്രജ്വല, ജി കിഷോര്, വൈ മോഹന് എന്നിവരാണ് പിടിയിലായത്. ചാമരാജ് പേട്ടിലെ പ്രാഥമികാരോഗ്യ കേന്ദ്രത്തിലായിരുന്നു ഇവരുടെ തട്ടിപ്പ്.
പ്രത്യേക സംഘത്തെ രൂപീകരിച്ച് സ്റ്റിംഗ് ഓപ്പറേഷനിലൂടെയാണ് പോലീസ് സംഘത്തെ കുടുക്കിയത്. റെംഡെസിവിര് ഒരു വയല് 25,000 രൂപയ്ക്കാണ് ഇവര് വിറ്റിരുന്നത്.
Latest
കോണ്ഗ്രസ്സ് ഒറ്റച്ചാട്ടത്തിന് ബി ജെ പിയില് എത്താന് തക്കം പാര്ത്തിരിക്കുന്ന പാര്ട്ടി: മുഖ്യമന്ത്രി
അസമിലെ മുസ്ലിംകളില് ഭൂരിപക്ഷവും ബംഗ്ലാദേശി വംശജര്; വിവാദ പ്രസ്താവനകള് തുടര്ന്ന് ഹിമന്ത ബിശ്വ ശര്മ്മ
യുവാക്കള്ക്കും സ്ത്രീകള്ക്കും അമ്പത് ശതമാനം സീറ്റുകള് നീക്കിവെക്കും; നിര്ണായക പ്രഖ്യാപനവുമായി വി ഡി സതീശന്
ചവിട്ടുന്നതിനിടെ സൈക്കിള് നിയന്ത്രണം വിട്ട് വീടിന്റെ ചുവരിലിടിച്ചു; പതിനാലുകാരന് ദാരുണാന്ത്യം
സുഹാനിന്റെ മരണം; നടുക്കവും വേദനയും പ്രകടിപ്പിച്ച് മന്ത്രി ശിവന്കുട്ടി
എസ് ഐ ആര്: മാപ്പിങില് നിന്ന് പുറത്തായവര് ഹാജരാക്കേണ്ടത് പൗരത്വ ഭേദഗതി നിയമ പ്രകാരമുള്ള രേഖകള്
