Gulf
സഊദിയിൽ വാഹനാപകടം: മലപ്പുറം സ്വദേശികൾ മരിച്ചു
റിയാദ് | സഊദിയിലെ റിയാദ്- ബിശ റോഡിലെ അൽ ഗുവയ്ക്കടുത്ത് അൽ റെയിനിൽ ഇന്ന് രാവിലെ ഉണ്ടായ വാഹനാപകടത്തിൽ മലപ്പുറം ചെമ്മാട് സ്വദേശികളായ രണ്ട് പേർ മരിച്ചു. പന്താരങ്ങാടി വലിയ പീടിയേക്കാൾ മുഹമ്മദ് അലിയുടെ മകൻ മുഹമ്മദ് വസീം (34), വലിയ പീടിയേക്കൾ മുബാറക്കിന്റെ മകൻ മുഹമ്മദ് മുനീബ് (29) എന്നിവരാണ് മരിച്ചത്.
അബഹയിൽ നിന്ന് ദമാമിലേക്ക് വരികയായിരുന്ന കാറിൽ എതിരെ വന്ന കാറിടിച്ചാണ് അപകടം ഉണ്ടായത്. കാറിൽ ഉണ്ടായിരുന്ന മറ്റൊരാൾക്ക് പരുക്കുണ്ട്.
മൃതദേഹങ്ങൾ അൽ റെയ്ൻ ആശുപത്രിയിലേക്ക് മാറ്റിയിട്ടുണ്ട്.
---- facebook comment plugin here -----