ട്രെയിനിൽ യുവതിയെ ആക്രമിച്ച സംഭവം: പ്രതിയുമായി തെളിവെടുപ്പ് നടത്തി

തിരുവനന്തപുരം | ഗുരുവായൂർ- പുനലൂർ പാസഞ്ചറിൽ യുവതിയെ ആക്രമിച്ച കേസിലെ പ്രതിയുമായി പോലീസ് തെളിവെടുപ്പ് നടത്തി. ​പ്രതിയായ നൂറനാട് സ്വദേശി ബാബുക്കുട്ടനെയുമായി തിരുവനന്തപുരം സെൻട്രൽ റെയിൽവേ സ്റ്റേഷനിലെത്തിയാണ് തെളിവെടുപ്പ് നടത്തി.

സംഭവം നടന്ന ട്രെയിൻ തിരുവനന്തപുരത്തായതിനാലാണ് പ്രതിയുമായി അന്വേഷണസംഘം ഇവിടെ എത്തിയത്. ഫോറൻസിക് വിദ​ഗ്ധരും തെളിവെടുപ്പിനെത്തിയിരുന്നു. യുവതിയിൽ നിന്ന് പ്രതി കവർന്ന ആഭരണങ്ങൾ നാല് ദിവസത്തിനുള്ളിൽ കണ്ടെടുക്കുമെന്ന് പോലീസ് മേധാവി രാജേന്ദ്രൻ എസ് അറിയിച്ചു.

ഏപ്രിൽ 28ന് നടന്ന സംഭവത്തിൽ മേയ് നാലിനാണ് ഇയാളെ പോലീസ് പിടികൂടിയത്.