നേരിടാന്‍ സജ്ജരാകണം; രാജ്യത്ത് കൊവിഡ് മൂന്നാം തരംഗം ഉറപ്പെന്ന് കേന്ദ്രം

ന്യൂഡല്‍ഹി |  രാജ്യത്ത് കൊവിഡിന്റെ മൂന്നാംതരംഗംഉറപ്പാണെന്നും എന്നാല്‍, എപ്പോഴാണ് ഇത് ഉണ്ടാവുകയെന്ന് ഇപ്പോള്‍ പറയനാകാല്ലെന്നും കേന്ദ്ര സര്‍ക്കാരിന്റെ പ്രിന്‍സിപ്പല്‍ സയന്റിഫിക് അഡൈ്വസറായകെ വിജയരാഘവന്‍.

ഇപ്പോഴത്തെ കൊവിഡ് വൈറസ് വകഭേദങ്ങള്‍ക്ക് വാക്സിനുകള്‍ ഫലപ്രദമാണ്. പുതിയ വകഭേദങ്ങള്‍ ലോകമെമ്പാടും ഇന്ത്യയിലും പ്രത്യക്ഷപ്പെട്ടേക്കാം. എന്നാല്‍ വേഗത്തില്‍ വ്യാപിക്കുന്ന വകഭേദങ്ങള്‍ കുറയും. പ്രതിരോധത്തെ പരാജയപ്പെടുത്തുന്ന വകഭേദങ്ങളും രോഗതീവ്രത കുറയ്ക്കുകയോ കൂട്ടുകയോ ചെയ്യുന്നവയും വ്യാപിച്ചേക്കും. മൂന്നാം തരംഗത്തെ നേരിടാന്‍ സജ്ജരാകണമെന്നം വിജയരാഘവന്‍ വാര്‍ത്താ സമ്മേളനത്തില്‍ വ്യക്തമാക്കി.