Covid19
രാജ്യത്തെ 150 ജില്ലകളില്‍ ലോക്ഡൗണ്‍ ഏര്‍പെടുത്തണമെന്ന് കേന്ദ്ര ആരോഗ്യ മന്ത്രാലയം
ന്യൂഡല്‍ഹി | അതിതീവ്ര കൊവിഡ് വ്യാപനമുള്ള രാജ്യത്തെ 150 ജില്ലകളില്‍ ലോക്ഡൗണ്‍ ഏര്‍പെടുത്തണമെന്ന് കേന്ദ്ര ആരോഗ്യ മന്ത്രാലയം. ടെസ്റ്റ് പോസിറ്റിവിറ്റി നിരക്ക് 15 ശതമാനത്തിന് മുകളിലുള്ള ജില്ലകളിലൊണ് ലോക്ഡൗണ്‍ ഏര്‍പെടുത്താന്‍ ശുപാര്‍ശ. നിര്‍ദേശം നിലവിൽ വന്നാൽ സംസ്ഥാനത്ത് 12 ജില്ലകളില്‍ ലോക്ക്ഡൗണ്‍ നടപ്പാക്കേണ്ടി വരും. ഒഴിവാകുക പത്തനംതിട്ട, കൊല്ലം എന്നീ ജില്ലകള്‍ മാത്രമാകും.
ചൊവ്വാഴ്ച നടന്ന ഉന്നതതല യോഗത്തിലാണ് ആരോഗ്യമന്ത്രാലയം ഈ നിര്‍ദേശം മുന്നോട്ടുവെച്ചത്. സംസ്ഥാനങ്ങളുമായി ആലോചിച്ച ശേഷമാകും തുടര്‍ നടപടികള്‍. അവശ്യസര്‍വീസുകള്‍ക്കടക്കം ഇളവ് നല്‍കിയാകും ലോക്ക്ഡൗണ്‍. രോഗനിരക്ക് കൂടുതലുള്ള ഇടങ്ങളില്‍ ഏതാനും ആഴ്ചകള്‍ ശക്തമായ ലോക്ഡൗണ്‍ നടപ്പാക്കുന്നതിലൂടെ വ്യാപനം നിയന്ത്രിക്കാനാകുമെന്നാണ് കണക്ക് കൂട്ടല്‍.
കേരളത്തില്‍ ലോക്ഡൗണ്‍ ഏര്‍പെടുത്തണമെന്ന് ഐഎംഎ അടക്കം നേരത്തെ ആവശ്യമുന്നയിച്ചിരുന്നു. എന്നാല്‍ കകര്‍ശന നിയന്ത്രണങ്ങളിലൂടെ രോഗ വ്യാപനം തടയാനാണ് സംസ്ഥാന സര്‍ക്കാര്‍ ആലോചിക്കുന്നത്. കഴിഞ്ഞ ദിവസം ചേര്‍ന്ന സര്‍വകക്ഷിയോഗത്തിലും ഈ അഭിപ്രായമാണ് ഉയര്‍ന്നത്.
Latest
എല്‍ഡിഎഫ് ചരിത്ര വിജയം നേടും; കേരള വിരുദ്ധ ശക്തികള്‍ക്കെതിരായ താക്കീതാകും തിരഞ്ഞെടുപ്പ്: മുഖ്യമന്ത്രി
സംസ്ഥാനത്ത് ആദ്യ മണിക്കൂറില്‍ പോളിങ് 12 ശതമാനം കടന്നു
ഇന്ത്യന്‍ ഗ്രാന്റ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ വോട്ട് രേഖപ്പെടുത്തി
വോട്ടിന് പണം ; സുരേഷ് ഗോപി നാടിനെ നാണം കെടുത്തിയെന്ന് വി സ് സുനില്‍കുമാര്‍
പാപിയുടെ കൂടെക്കൂടിയാല്‍ ശിവനും പാപിയാകും; ആളെ പറ്റിക്കാന്‍ നടക്കുന്നവരുമായുള്ള കൂട്ട്‌കെട്ട് ഇപി ജയരാജന്‍ ഒഴിവാക്കണമെന്ന് മുഖ്യമന്ത്രി
ജനാധിപത്യത്തെ സംരക്ഷിക്കാനായി വോട്ട് രേഖപ്പെടുത്തണമെന്ന് രാഹുല്‍ ഗാന്ധി
