Health
സ്തനാര്‍ബുദത്തിന് കാരണമാകുന്ന ഹോര്‍മോണിനെ കണ്ടെത്തി
വാഷിംഗ്ടണ്‍ | സ്തനാര്‍ബുദത്തിന് കാരണമാകുന്ന ഹോര്‍മോണിനെ കണ്ടെത്തി വെര്‍ജിനിയ കോമണ്‍വെല്‍ത്ത് യൂനിവേഴ്‌സിറ്റിയിലെ മാസ്സി കാന്‍സര്‍ സെന്റര്‍ ഗവേഷകർ. സ്തന വളര്‍ച്ചക്കും ഗര്‍ഭാവസ്ഥയില്‍ മുലപ്പാല്‍ ഉത്പാദനത്തിനും കാരണമായ പ്രൊലാക്ടിന്‍ എന്ന ഹോര്‍മോണ്‍ തന്നെ സ്തനാര്‍ബുദത്തിനും പ്രധാന പങ്കുവഹിക്കുമെന്നാണ് കണ്ടെത്തല്‍.
ഹോര്‍മോണുകളുടെ കോശപ്രതലത്തിലുള്ള റെസപ്‌റ്റേഴ്‌സ് എന്ന പ്രോട്ടീനുകള്‍ ജൈവ സന്ദേശങ്ങള്‍ സ്വീകരിക്കുകയും അയക്കുകയും ചെയ്യും. അങ്ങനെ കോശ പ്രവര്‍ത്തനത്തെ നിയന്ത്രിക്കും. വകഭേദം വന്ന പ്രോലാക്ടിന്‍ റെസപ്റ്ററാണ് അര്‍ബുദത്തിന് കാരണമാകുക. ഹ്യൂമന്‍ പ്രോലാക്ടന്‍ റെസപ്റ്റര്‍ ഇന്റര്‍മീഡിയേറ്റ് ഐസോഫോം (എച്ച് പി ആര്‍ എല്‍ ആര്‍ ഐ) എന്നാണ് ഇതിന്റെ പേര്.
നിര്‍ദോഷമായ സ്തന കോശങ്ങളെ ഉപദ്രവകാരിയാക്കാന്‍ മറ്റ് രൂപത്തിലുള്ള റെസപ്റ്ററുകളുമായി മാറ്റം വന്ന പ്രൊലാക്ടിന്‍ റെസപ്റ്റര്‍ ബന്ധപ്പെടുന്നതായും ഗവേഷകര്‍ കണ്ടെത്തി. സ്തനാര്‍ബുദ കോശങ്ങളിലെ എച്ച് പി ആര്‍ എല്‍ ആര്‍ ഐയുടെ സാന്നിധ്യം ട്രിപ്പിള്‍ നെഗറ്റീവ് ബ്രെസ്റ്റ് കാന്‍സറുമായി ബന്ധപ്പെട്ടാണ്. കോശങ്ങളുടെ പുനരുത്പാദനത്തിന്റെ മോശം ഫലത്തിന്റെയും ദ്രുതഗതിയിലുള്ള നിരക്കാണ് ട്രിപ്പിള്‍ നെഗറ്റീവ്. നാച്വര്‍ പാര്‍ട്ണര്‍ ജേണലില്‍ പഠനം പ്രസിദ്ധീകരിച്ചിട്ടുണ്ട്.
Latest
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
ഉള്ള്യേരിയില്‍ ബോംബ് കണ്ടെത്തിയെന്ന വാര്‍ത്ത;പരിശോധിച്ചപ്പോള്‍ പ്രോട്ടീന്‍ പൗഡര്‍ ടിന്‍
ഡല്‍ഹി ലഫ്റ്റനന്റ് ഗവര്‍ണറുടെ കേരള സന്ദര്‍ശനം; അടിയന്തര നടപടി ആവശ്യപ്പെട്ട് തിരഞ്ഞെടുപ്പ് കമീഷന് പ്രതിപക്ഷ നേതാവിന്റെ പരാതി
വടകരയില്‍ കലാശക്കൊട്ടിനിടെ സ്ഥാനാര്‍ഥിക്കെതിരെ അധിക്ഷേപ മുദ്രാവാക്യം ; എല്‍ഡിഎഫ് പരാതി നല്‍കി
വൈക്കം മഹാദേവക്ഷേത്രക്കുളത്തില്‍ അജ്ഞാത മൃതദേഹം കണ്ടെത്തി
