Kerala
കാമുകിയെ കൊലപ്പെടുത്തിയ കേസില് ജാമ്യത്തിലിറങ്ങി ഒളിവില് പോയയാള് പിടിയില്
കോഴിക്കോട് | കാമുകിയെ കൊലപ്പെടുത്തിയ കേസില് അറസ്റ്റിലായി ജാമ്യത്തിലിറങ്ങിയ ശേഷം ഒളിവില് പോയ യുവാവ് പിടിയില്. കണ്ണൂര് ഇരിട്ടി സ്വദേശി ചീരംവേലില് അനീഷ് (32) ആണ് പിടിയിലായത്. അസ്മാബി എന്ന സ്ത്രീയെ കൊലപ്പെടുത്തിയ കേസിലെ പ്രതിയാണ് അനീഷ്.
2017ലാണ് സംഭവം. കോഴിക്കോട് റെയില്വേ സ്റ്റേഷന് സമീപത്തെ പഴയ റെയില്വേ കെട്ടിടത്തില് ജീര്ണിച്ച നിലയിലാണ് അസ്മാബിയുടെ മൃതദേഹം കണ്ടെത്തിയത്. തുടര്ന്ന് കോഴിക്കോട് ടൗണ് പോലീസ് അസ്വാഭാവിക മരണത്തിനു കേസെടുക്കുകയായിരുന്നു. തുടര്ന്ന് നടന്ന അന്വേഷണത്തില് അസ്മാബിയെ കൊലപ്പെടുത്തിയതാണെന്ന് മനസ്സിലാക്കിയ പോലീസ് പ്രതിയെ അറസ്റ്റ് ചെയ്തു. എന്നാല്, ജാമ്യത്തില് ഇറങ്ങിയ അനീഷ് ഒളിവില് പോവുകയായിരുന്നു.
എറണാകുളം ജില്ലയിലെ ഏലൂര് ഫാക്ടിന് അടുത്തുള്ള ഹോട്ടലില് പാചകക്കാരനായി അനീഷ് ജോലി ചെയ്യുന്നുണ്ടെന്നുള്ള രഹസ്യ വിവരം അടിസ്ഥാനമാക്കിയുള്ള തിരച്ചിലിലാണ് പ്രതിയെ വീണ്ടും പിടികൂടിയത്. പ്രതിയെ കോടതി റിമാന്ഡ് ചെയ്തു.
Latest
വ്യാജ വാര്ത്തക്കെതിരെ കെ മുരളീധരന് പരാതി നല്കി
ഇറാന് ആക്രമണം; കുവൈത്തില് കൊല്ലപ്പെട്ടത് തമിഴ്നാട് സ്വദേശി
കേരളത്തില് എല്ഡിഎഫ് ഭരണത്തിനാണ് ബിജെപി ആഗ്രഹിക്കുന്നത്; മുഖ്യമന്ത്രിക്കെതിരെ ഒരു നീക്കവും നടത്താത്തത് ഡീലിന്റെ ഭാഗം: രാഹുല് ഗാന്ധി
കൊളത്തൂരില് നാമനിര്ദേശ പത്രിക സമര്പ്പിച്ച് എം കെ സ്റ്റാലിന്; ആരൊക്കെ എതിരാളികളായി വന്നാലും ഡിഎംകെ ജയിക്കും; തമിഴ്നാട് മുഖ്യമന്ത്രി
ബൈക്ക് വൈദ്യുതി പോസ്റ്റിലിടിച്ച് രണ്ടുപേര് മരിച്ചു
ഉത്സവാഘോഷത്തിനിടെ കാലില് അറിയാതെ ചവിട്ടി; 19 കാരനെ സംഘം കുത്തിക്കൊന്നു
