Kerala

രാജ്യസഭാ തിരഞ്ഞെടുപ്പ്: ഇടത് സ്ഥാനാർഥികൾ പത്രിക സമർപ്പിച്ചു

Published

Apr 19, 2021 4:12 pm |

Last Updated

Apr 19, 2021 4:12 pm

തിരുവനന്തപുരം | ഇടതുപക്ഷ ജനാധിപത്യ മുന്നണിയുടെ രാജ്യസഭാ സ്ഥാനാർഥികൾ പത്രിക സമർപ്പിച്ചു. ഡോ.വി ശിവദാസനും ജോൺ ബ്രിട്ടാസും ആണ് വരണാധികാരിയായ നിയമസഭാ സെക്രട്ടറിക്കു മുന്നിൽ നാമനിർദേശപത്രിക സമർപ്പിച്ചത്.

സി പി എം ആക്ടിംഗ് സെക്രട്ടറി എ വിജയരാഘവൻ, സി പി ഐ സെക്രട്ടറി കാനം രാജേന്ദ്രൻ, കെ എൻ ബാലഗോപാൽ അടക്കമുള്ള നേതാക്കൾ പത്രികാ സമർപ്പണ വേളയിൽ സന്നിഹിതരായിരുന്നു.

കേരളത്തിൽ ഒഴിവുവന്ന മൂന്ന് സീറ്റുകളിലേക്കുള്ള തിരഞ്ഞെടുപ്പ് ഈ മാസം 30നാണ്. ഒരു സീറ്റിൽ യു ഡി എഫിനായി മുസ്ലിം ലീഗ് പ്രതിനിധി പി വി അബ്ദുൽ വഹാബ് ആണ് സ്ഥാനാർഥി.