Kerala
മുഖ്യമന്ത്രിക്കെതിരായ ആക്ഷേപം; മന്ത്രി മുരളീധരന്‍ പദവി മറന്ന് തനി സംഘിയായി മാറിയെന്ന് പി ജയരാജന്‍
കണ്ണൂര്‍ | മുഖ്യമന്ത്രിക്കെതിരെ കടുത്ത ആക്ഷേപമുന്നയിച്ച കേന്ദ്ര വിദേശകാര്യ സഹ മന്ത്രി വി മുരളീധരനെതിരെ രൂക്ഷമായി പ്രതികരിച്ച് സി പി എം നേതാവ് പി ജയരാജന്‍. കേരളത്തില്‍ നിന്നുള്ള ഒരു വിലയുമില്ലാത്ത ഒരു കേന്ദ്ര സഹ മന്ത്രി മുഖ്യമന്ത്രി നിലവാരമില്ലാത്ത വിമര്‍ശനമുയര്‍ത്തിയിരിക്കുകയാണെന്ന് ജയരാജന്‍ ഫേസ് ബുക്ക് പോസ്റ്റില്‍ ആരോപിച്ചു.
മുരളീധരന്‍ സ്വന്തം പദവി മറന്ന് തനി സംഘിയായി മാറിയിരിക്കുകയാണ്. മുമ്പൊരിക്കല്‍ ഈ മാന്യന് കാക്കി ട്രൗസറിട്ട് നടന്ന കാലത്തെ ഒരു സംഭവം ഓര്‍മ വരുന്നു. അന്ന് കേരളത്തിന്റെ മുഖ്യമന്ത്രി സ: നായനാര്‍ ആയിരുന്നു. ഡല്‍ഹി കേരള ഹൗസില്‍ അദ്ദേഹമുള്ളപ്പോള്‍ കുറച്ച് ആര്‍ എസ് എസുകാരേയും എ ബി വി പിക്കാരേയും കൂട്ടി ഈ വിദ്വാന്‍ നായനാരുടെ മുറിയില്‍ അത്രിക്രമിച്ചു കയറി വാതില്‍ കുറ്റിയിട്ടു. കൈയിലൊരു വെള്ള പേപ്പറുമുണ്ടായിരുന്നു. കേരളത്തില്‍ അറസ്റ്റിലായ ഒരു എ ബി വി പി പ്രവര്‍ത്തകനെ വിട്ടയക്കുമെന്ന് മുഖ്യമന്ത്രി പേപ്പറില്‍ എഴുതി ഒപ്പിട്ടു നല്‍കണമെന്നായിരുന്നു ആവശ്യം. എന്നാല്‍, നായനാര്‍ കുലുങ്ങിയില്ല. പോയി പണി നോക്കാന്‍ പറഞ്ഞു. ആര്‍ എസ് എസുകാര്‍ പോലീസ് പിടിയിലുമായി. മുരളീധരനെ കണക്കിന് കളിയാക്കിക്കൊണ്ടുള്ള പോസ്റ്റില്‍ പറയുന്നു.
എഫ് ബി കുറിപ്പിന്റെ പൂര്‍ണ രൂപം: കേരളത്തിൽ നിന്നുള്ള “ഒരു വിലയുമില്ലാത്ത” ഒരു കേന്ദ്ര സഹമന്ത്രി മുഖ്യമന്ത്രി സ:പിണറായി വിജയനെതീരെ നിലവാരമില്ലാത്ത ആക്ഷേപമുയർത്തിയതിനെ കുറിച്ച് സമൂഹത്തിൽ പ്രതിഷേധം ഉയർന്നിരിക്കുകയാണല്ലോ.ഇദ്ദേഹം സ്വന്തം പദവി മറന്ന് തനി സംഘിയായി മാറി.
Latest
സുപ്രീംകോടതി നിര്‍ദേശത്തിന് പിന്നാലെ മാപ്പപേക്ഷിക്കുന്ന പുതിയ പത്രപരസ്യവുമായി ബാബ രാംദേവ്
വയോധിക ദമ്പതികളെ കൊലപ്പെടുത്തിയ കേസ്: പ്രതി കുറ്റക്കാരന്‍, ശിക്ഷാവിധി ഏപ്രില്‍ 29ന്
ജിം ഉടമ യുവാവിനെ കുത്തിയ സംഭവം; വധശ്രമത്തിന് കേസെടുത്തു
മഞ്ഞുമ്മല്‍ ബോയ്‌സ് സിനിമയുടെ നിര്‍മ്മാതാക്കള്‍ക്കെതിരെ കേസെടുത്തു
പാര്‍ക്കിംഗില്‍ നിര്‍ത്തിയിട്ട ബൈക്ക് മോഷ്ടിച്ച 21കാരന്‍ അറസ്റ്റില്‍
വിവി പാറ്റിന്റെ പ്രവര്‍ത്തനം; തിരഞ്ഞെടുപ്പ് കമ്മീഷനോട് വിശദീകരണം തേടി സുപ്രീം കോടതി
