Kerala

കോഴിക്കോട് പുല്ലാളൂരിൽ ഓടിക്കൊണ്ടിരുന്ന ബൈക്കിന് മുകളിലേക്ക് തെങ്ങ് വീണു യുവാവ് മരിച്ചു

Published

Apr 04, 2021 5:55 pm |

Last Updated

Apr 04, 2021 5:55 pm

വെബ് ഡെസ്‌ക്

ബൈക്കിന് മുകളിലേക്ക് തെങ്ങ് മറിഞ്ഞുണ്ടായ അപകടം. ഇൻസെറ്റിൽ മരിച്ച സിറാജ്

നരിക്കുനി | കോഴിക്കോട് പുല്ലാളൂർ – പൈമ്പാലശ്ശേരി റോഡിൽ എടക്കിലോട് വെച്ച് ഓടിക്കൊണ്ടിരുന്ന ബൈക്കിന് മുകളിലേക്ക് തെങ്ങ് വീണു യുവാവ് മരിച്ചു. വടകര തൊടന്നൂർ ആലിന്റവിട സിറാജ് (31) ആണ് മരിച്ചത്.

ഇന്ന് രാവിലെ 9 മണിയോടെയാണ് അപകടം. റോഡരികിലെ പറമ്പിലുള്ള തെങ്ങ് പൊട്ടി റോഡിലേക്ക് വീഴുകയായിരുന്നു. പുല്ലാളൂരിലെ ഷൈഖ ബേക്കറിയിലെ ജീവനക്കാരനായിരുന്നു.

മുട്ടാഞ്ചേരി ഭാഗത്തു നിന്ന് പുല്ലാളൂരിലേക്ക് തന്റെ ബുള്ളറ്റിൽ വരികയായിരുന്നു. ഉടനെ കോഴിക്കോട് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.