ഛത്തീസ്ഗഢില്‍ യുവാവിനെ മാവോയിസ്റ്റുകള്‍ വെടിവെച്ച് കൊന്നു

റായ്പൂര്‍ |  ഛത്തീസ്ഗഢില്‍ പോലീസ് ചാരനെന്ന് സംശയിച്ച് യുവാവിനെ മാവോയിസ്റ്റുകള്‍ വെടിവെച്ച് കൊന്നു. റായ്പൂരില്‍ നിന്നും 170 കിലമീറ്റര്‍ അകലെ മന്‍പൂര്‍ പോലീസ് സ്റ്റേഷന്‍ പരിധിയിലെ രാജ് നന്ദ്ഗാവിലാണ് സംഭവം. മുപ്പത് വയസുകാരനായ മഹേഷ് കച്ച്‌ലാമെ എന്നയാളെയാണ് കൊല്ലപ്പെട്ടത്.

രാജ് നന്ദ്ഗാവില്‍ പോലീസും മാവോയിസ്റ്റുകളും നിരന്തരം ഏറ്റുമുട്ടലുണ്ടാകുന്ന പ്രദേശത്താണ് സംഭവം. മഹേഷിന്റെ മൃതദേഹത്തിന് സമീപത്ത് നിന്നും വെടിയുണ്ടകളും മാവോയിസ്റ്റ് ലഘുലേഖകളും കണ്ടെത്തിയിട്ടുണ്ട്. ലഘുലേഖയില്‍ ഇയാള്‍ പൊലീസ് ചാരനാണെന്ന് ആരോപിക്കുന്നു. എന്നാല്‍ പൊലീസ് ഈ ആരോപണം തള്ളിക്കളഞ്ഞു. സംഭവത്തില്‍ അന്വേഷണം ആരംഭിച്ചതായി രാജ്നന്ദ്ഗാവ് പൊലീസ് അറിയിച്ചു.