National
ബംഗാളില്‍ മുന്‍ മന്ത്രി തൃണമൂല്‍ വിട്ടു; തൊട്ടുപിന്നാലെ എം എല്‍ എയും
കൊല്‍ക്കത്ത | പശ്ചിമ ബംഗാളില്‍ മമതാ മന്ത്രിസഭയില്‍ നിന്ന് നേരത്തേ രാജിവെച്ച പ്രമുഖ നേതാവ് സുവേന്ദു അധികാരി പാര്‍ട്ടി വിട്ടു. വാരാന്ത്യത്തില്‍ കേന്ദ്ര ആഭ്യന്തര മന്ത്രി അമിത് ഷാ സംസ്ഥാനം സന്ദര്‍ശിക്കുമ്പോള്‍ അധികാരി ബി ജെ പിയില്‍ ചേരും. ഈ വാര്‍ത്ത വന്നതിന് തൊട്ടുപിന്നാലെ അസന്‍സോള്‍ എം എല്‍ എ ജിതേന്ദ്ര തിവാരിയും തൃണമൂലില്‍ നിന്ന് രാജിവെച്ചു.
ബംഗാളിന്റെ പടിഞ്ഞാറന്‍ മേഖലയില്‍ 50 സീറ്റുകളിലെ പ്രാദേശിക നേതാക്കളില്‍ വലിയ സ്വാധീനം ചെലുത്താന്‍ സാധിക്കുന്നയാളാണ് സുവേന്ദു അധികാരി. നേരത്തേ മന്ത്രിസ്ഥാനം രാജിവെച്ചതിന് ശേഷം ആഴ്ചകളോളം നീണ്ട കാത്തിരിപ്പിനാണ് ഇതോടെ വിരാമമാകുന്നത്. അമിത് ഷായുടെ സന്ദര്‍ശനത്തിലെ പ്രധാന സവിശേഷതയും അധികാരിയുടെ ബി ജെ പി പ്രവേശനമാകും.
അധികാരി പാര്‍ട്ടി വിട്ടതിന് പിന്നാലെയാണ് അസന്‍സോള്‍ എം എല്‍ എ ജിതേന്ദ്ര തിവാരിയും രാജിവെച്ചത്. അധികാരിയുമായി കൂടിക്കാഴ്ച നടത്തിയതിന് ശേഷമായിരുന്നു ഇത്. തൃണമൂല്‍ എം പി സുനില്‍ മൊണ്ടാളും കൂടിക്കാഴ്ചയില്‍ പങ്കെടുത്തിരുന്നു.
Latest
വോട്ടര്‍മാര്‍ക്ക് പണം വിതരണം ചെയ്യുന്നുവെന്ന രഹസ്യവിവരം; ബിജെപി പ്രവര്‍ത്തകന്‍ കോയമ്പത്തൂരില്‍ അറസ്റ്റില്‍
നടന്‍ സല്‍മാന്‍ ഖാന്റെ വീടിനു നേരെ വെടിവെപ്പ്; ഭയപ്പെടുത്തുക മാത്രമാണ് പ്രതികള്‍ ഉദ്ദേശിച്ചിരുന്നതെന്ന് പോലീസ്
കാസര്‍ഗോഡ്‌ മോക് പോളിനിടെ ബി ജെ പിക്ക് അധിക വോട്ട്: വിഷയത്തില്‍ സുപ്രീംകോടതി ഇടപെട്ടു
സില്‍വര്‍ ലൈന്‍ പദ്ധതി അട്ടിമറിക്കാന്‍ കൈക്കൂലി: വി ഡി സതീശനെതിരെ അന്വേഷണം ആവശ്യപ്പെട്ട ഹര്‍ജി തള്ളി
തിരക്കഥാകൃത്തും ഗ്രന്ഥകാരനുമായ ബല്‍റാം മട്ടന്നൂര്‍ അന്തരിച്ചു
കെ കെ ശൈലജക്കെതിരെ സൈബര്‍ അതിക്രമം: പേരാമ്പ്ര സ്വദേശിക്കെതിരെയും കേസ്
