Kerala
നടിയെ ആക്രമിച്ച കേസ്; കെ ബി ഗണേഷ് കുമാര്‍ എം എല്‍ എയുടെ വസതിയില്‍ പരിശോധന
കൊല്ലം | നടിയെ ആക്രമിച്ച കേസില്‍ കെ ബി ഗണേഷ് കുമാര്‍ എം എല്‍ എയുടെ പത്തനാപുരത്തെ വസതിയില്‍
പോലീസ് പരിശോധന നടത്തി. ഗണേഷിന്റെ മുന്‍ ഓഫീസ് സെക്രട്ടറി പ്രദീപ് കുമാറിന്റെ കോട്ടാത്തലയിലെ വീട്ടിലും പരിശോധന നടന്നു. സാക്ഷിയെ ഭീഷണിപ്പെടുത്തിയ കേസില്‍ പ്രദീപിന് ഹൊസ്ദുര്‍ഗ് ഒന്നാം ക്ലാസ് മജിസ്ട്രേറ്റ് കോടതി നേരത്തെ ജാമ്യം അനുവദിച്ചിരുന്നു. ഇതിനു പിന്നാലെയാണ് പരിശോധന.
കേസില്‍ പ്രദീപ് കുമാറിന് സോപാധിക ജാമ്യമാണ് കോടതി അനുവദിച്ചത്. ഹൊസ്ദുര്‍ഗ് ഒന്നാം ക്ലാസ് മജിസ്ട്രേറ്റ് കോടതിയാണ് കര്‍ശന ഉപാധികളോടെ ജാമ്യം അനുവദിച്ചത്. ബേക്കല്‍ പൊലീസ് സ്റ്റേഷന്‍ പരിധിയില്‍ പ്രവേശിക്കരുത്, സാക്ഷികളെ സ്വാധീനിക്കരുത് തുടങ്ങിയവയാണ് ഉപാധികള്‍.
ദിലീപിന് അനുകൂലമായി മൊഴി നല്‍കണമെന്ന് ആവശ്യപ്പെട്ട് മാപ്പുസാക്ഷി വിപിന്‍ ലാലിനെ ഭീഷണിപ്പെടുത്തിയെന്നാണ് പ്രദീപ് കുമാറിനെതിരായ കേസ്. കഴിഞ്ഞ മാസം 24 ന് പുലര്‍ച്ചെയാണ് ഗണേഷ് കുമാര്‍ എം എല്‍ എ യുടെ പത്തനാപുരത്തെ ഓഫീസില്‍ നിന്ന് പ്രദീപ് കുമാറിനെ പോലീസ് അറസ്റ്റ് ചെയ്തത്.
Latest
'അബ്ഷിര്‍ പ്ലാറ്റ്‌ഫോം'; നടന്നത് 25,00000 ത്തിലധികം ഇലക്ട്രോണിക് ഇടപാടുകള്‍
ജമൈക്ക ഫലസ്തീന്‍ രാഷ്ട്രത്തെ അംഗീകരിച്ചു; സ്വാഗതം ചെയ്ത് അറബ് പാര്‍ലിമെന്റ്
ഈജിപ്ഷ്യന്‍ തൊഴിലാളികള്‍ക്കുള്ള വിസ വീണ്ടും നിര്‍ത്തിവെച്ച് കുവൈത്ത്
വിദ്വേഷം പരത്തി വോട്ട് നേടാന്‍ ശ്രമം; മോദിയുടെ പ്രസംഗത്തിനെതിരെ രൂക്ഷ വിമര്‍ശനവുമായി ലത്തീന്‍ സഭാ മുഖപത്രം
പാലക്കാട്ട് റെക്കോര്‍ഡ് ചൂട്; ഇന്ന് രേഖപ്പെടുത്തിയത് 41.2 ഡിഗ്രി
കാട്ടുപന്നി ആക്രമണം; സ്‌കൂട്ടറില്‍ സഞ്ചരിക്കുകയായിരുന്ന അമ്മയ്ക്കും മകള്‍ക്കും പരുക്ക്
