National
നിക്ഷേപക തട്ടിപ്പ് കേസില് കര്ണാടകയില് മുന് കോണ്ഗ്രസ് മന്ത്രിയെ സിബിഐ അറസ്റ്റ് ചെയ്തു
ബെംഗളൂരു | നിക്ഷേപക തട്ടിപ്പ് കേസില് കോണ്ഗ്രസ് നേതാവും മുന് മന്ത്രിയുമായ റോഷന് ബേഗിനെ സിബിഐ അറസ്റ്റ് ചെയ്തു. ഐ-മോണിറ്ററി അഡൈ്വസറി (ഐഎംഎ) പൊന്സി അഴിമതി കേസിലാണ് ഇദ്ദേഹത്തെ അറസ്റ്റ് ചെയ്തത്. വാര്ത്ത ഏജന്സിയായ പിടിഐയാണ് ഇക്കാര്യം റിപ്പോര്ട്ട് ചെയ്തത്. റോഷന് ബേഗിനെ നേരത്തെ എംഎല്എ സ്ഥാനത്തുനിന്ന് അയോഗ്യനാക്കിയിരുന്നു. ഞായറാഴ്ച ചോദ്യം ചെയ്യാന് വിളിച്ചു വരുത്തിയ സിബിഐ പിന്നീട് അറസ്റ്റ് ചെയ്യുകയായിരുന്നു.
കൃത്യമായ തെളിവിന്റെ അടിസ്ഥാനത്തിലാണ് അറസ്റ്റെന്ന് സിബിഐ അറിയിച്ചു. കോടതിയില് ഹാജരാക്കിയ റോഷന് ബേഗിനെ ജുഡീഷ്യല് കസ്റ്റഡിയില് വിട്ടു. ഇസ്ലാമിക് രീതിയിലുള്ള നിക്ഷേപത്തിലൂടെ നിക്ഷേപകര്ക്ക് വന് ലാഭം വാഗ്ദാനം ചെയ്ത് കൊടിക്കണക്കിന് രൂപ തട്ടിയെന്നാണ് കേസ്.
---- facebook comment plugin here -----