പനമരം ബേങ്ക് ആക്രമണ കേസിലെ പ്രതിക്ക് മാവോയിസ്റ്റ് നേതാക്കളുമായി ബന്ധമെന്ന് പോലീസ്

കല്‍പ്പറ്റ | ഇന്നലെ പോലീസ് കസ്റ്റഡിയിലെടുത്ത പനമരം ബേങ്ക് ആക്രമണ കേസിലെ പ്രതി രാജീവന് മാവോയിസ്റ്റ് സംഘടനാ നേതാക്കളുമായി ബന്ധമെന്ന് പോലീസ് വിലയിരുത്തല്‍. രാജീവനെ ഉന്നത പോലീസ് ഉദ്യോഗസ്ഥരുടെ നേതൃത്വത്തില്‍ ചോദ്യം ചെയ്തു വരികയാണ്. രാജീവന്റെ ഭാര്യയായ ആദിവാസി സമര സംഘം സെക്രട്ടറിയും പോരാട്ടം സംസ്ഥാനസമിതി അംഗവുമായ തങ്കമ്മയുടെ വീട്ടിലും പോലീസ് റെയ്ഡ് നടത്തിയിരുന്നു.

അന്വേഷണത്തിന്റെ ഭാഗമായി തമിഴ്നാട് പൊലീസിന്റെ രഹസ്യാന്വേഷണ വിഭാഗവും ഐബി ഉദ്യോഗസ്ഥരും വയനാട്ടിലെത്തും. രാജീവന്റെ ബന്ധങ്ങളെക്കുറിച്ച് കൂടുതല്‍ ചോദ്യം ചെയ്യലിന് ശേഷമേ വിശദാംശങ്ങള്‍ പങ്കുവെക്കൂവെന്ന് ജില്ലാ പൊലീസ് മേധാവി ജി പൂങ്കുഴലി അറിയിച്ചു.