തീവ്ര കൊവിഡ് വ്യാപനത്തില്‍ നിന്നും രാജ്യം മുക്തമാകുന്നു

ന്യൂഡല്‍ഹി | കൊവിഡിന്റെ തീവ്രവ്യാപനത്തില്‍ നിന്നും രാജ്യം മുക്തമാകുന്നു. കഴിഞ്ഞ ഏതാനും ദിവസങ്ങളെ അപേക്ഷിച്ച് ഇന്നലെ വലിയ തോതില്‍ കേസുകള്‍ കുറഞ്ഞു. കഴിഞ്ഞ 24 മണിക്കൂറിനിടെ 38,074 പേര്‍ക്ക് മാത്രമാണ് രോഗം ബാധിച്ചതെന്ന് ആശ്വാസകരമാണ്. 448 പേര്‍ക്കാണ് രാജ്യത്ത് ഇന്നലെ ജീവന്‍ നഷ്ടപ്പെട്ടത്. ഇതോടെ രാജ്യത്തെ ആകെ രോഗികളുടെ എണ്ണം 85,91,731ഉം മരണസംഖ്യ 1,27,059 ആയി. ഇപ്പോള്‍ 5,05,265 പേരാണ് രാജ്യത്ത് ചികിത്സയില്‍ കഴിയുന്നത്. 79,59,406 പേര്‍ ഇതിനകം രോഗമുക്തി കൈവരിച്ചു. ഇന്നലെ മാത്രം 42,033 പേര്‍ രോഗമുക്തരായി. അതേ സമയം രോഗമുക്തരായ പലരിലും കൊവിഡിന് ശേഷമുള്ള അസുഖങ്ങള്‍ തുടരുന്നതായാണ് റിപ്പോര്‍ട്ട്. ഇതിനായി കേരളം അടക്കം പല സംസ്ഥാനങ്ങളും പ്രത്യേക ക്ലിനിക്കുകളും ആരംഭിച്ചിട്ടുണ്ട്.