അടുത്ത അമേരിക്കന്‍ പ്രസിഡന്റ് ആര്; ഗൂഗ്ളിന്റെ ഉത്തരം ട്രംപും ബൈഡനുമല്ല

ന്യൂയോര്‍ക്ക് | അടുത്ത അമേരിക്കന്‍ പ്രസിഡന്റ് ആരാകും എന്ന് ഗൂഗ്‌ളിനോട് ചോദിച്ചാല്‍ ലഭിക്കുന്ന ഉത്തരം ഡൊണാള്‍ഡ് ട്രംപ് എന്നോ ജോ ബൈഡന്‍ എന്നോ അല്ല. മറിച്ച് മനോഹരമായ ഒരു കലാസൃഷ്ടിയാണ്. ഗൂഗ്ള്‍ ഇമേജില്‍ ഇപ്പോഴും സെര്‍ച്ച് റിസല്‍ട്ടായി ഇത് വരുന്നുണ്ട്.

ഇത് യാദൃച്ഛികമായി ഉണ്ടായതല്ല. ഈ ചിത്രങ്ങള്‍ വരച്ച കലാകാരിയുടെ തന്ത്രപൂര്‍വമായ സെര്‍ച്ച് എന്‍ജിന്‍ ഒപ്ടിമൈസേഷന്‍ കാരണമാണ് ഇത്തരം റിസല്‍ട്ടുകളുണ്ടായത്. ലോസ് ആഞ്ചലസ് കേന്ദ്രീകരിച്ച് പ്രവര്‍ത്തിക്കുന്ന ഗ്രെഷന്‍ ആന്‍ഡ്രൂ ആണ് ഈ കെണിയൊപ്പിച്ചത്.

തന്റെ ഓണ്‍ലൈന്‍ കലാസൃഷ്ടികള്‍ക്ക് നെക്‌സറ്റ് അമേരിക്കന്‍ പ്രസിഡന്റ് എന്നാണ് ആന്‍ഡ്രൂ നല്‍കിയ പേര്. അതിനാല്‍ ഗൂഗ്ളില്‍ അടുത്ത അമേരിക്കന്‍ പ്രസിഡന്റിനെ സംബന്ധിച്ച് സെര്‍ച്ച് ചെയ്യുമ്പോള്‍ ഇവരുടെ കലാസൃഷ്ടികളും കാണും. ഗൂഗ്ള്‍ ആസ്ഥാനത്ത് ജോലി ചെയ്തിട്ടുണ്ട് ആന്‍ഡ്രൂ.