Covid19
സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 7,020 പേര്ക്ക്; 8,474 പേര് രോഗമുക്തരായി
തിരുവനന്തപുരം | സംസ്ഥാനത്ത് ഇന്ന് കൊവിഡ് സ്ഥിരീകരിച്ചത് 7,020 പേര്ക്ക്. സമ്പര്ക്ക ബാധിതര് 6,037 പേരാണ്. 734 പേരുടെ രോഗ ഉറവിടം വ്യക്തമല്ല. 8,474 പേര് രോഗമുക്തരായി. ഇന്ന് രോഗം സ്ഥിരീകരിച്ചവരില് 81 പേര് ആരോഗ്യ പ്രവര്ത്തകരാണ്. 91,784 പേരാണ് നിലവില് ചികിത്സയിലുള്ളത്. 24 മണിക്കൂറിനിടെ 54,339 സാമ്പിളുകള് പരിശോധിച്ചു. തൃശൂര്- 983, എറണാകുളം- 802, തിരുവനന്തപുരം- 789, ആലപ്പുഴ- 788, കോഴിക്കോട്- 692, മലപ്പുറം- 589, കൊല്ലം- 482, കണ്ണൂര്- 419, കോട്ടയം- 389, പാലക്കാട്- 369, പത്തനംതിട്ട- 270, കാസര്കോട്- 187, ഇടുക്കി- 168, വയനാട്- 93 എന്നിങ്ങനെയാണ് ജില്ലകളില് ഇന്ന് രോഗബാധ സ്ഥിരീകരിച്ചത്.
തിരുവനന്തപുരം വഞ്ചിയൂര് സ്വദേശിനി പദ്മാവതി അമ്മ (89), ശ്രീവരാഹം സ്വദേശി രാധാകൃഷ്ണന് പിള്ള (64), പഴവങ്ങാടി സ്വദേശിനി ഗീത (60), കരിക്കകം സ്വദേശിനി മിറീന എലിസബത്ത് (54), കഴക്കൂട്ടം സ്വദേശി ജയചന്ദ്രന് (67), കാഞ്ഞിരമ്പാറ സ്വദേശി ബാബു (63), പേരുമല സ്വദേശി രതീഷ് (40), വെങ്ങാനൂര് സ്വദേശി യശോദ (73), വര്ക്കല സ്വദേശി റഷീദ് (82), ആലപ്പുഴ പൂച്ചാക്കല് സ്വദേശിനി ശോഭന (60), കരുനാഗപ്പള്ളി സ്വദേശി ബേബി (72), ഹരിപ്പാട് സ്വദേശി രഘുകുമാര് (60), ഇടുക്കി പീരുമേട് സ്വദേശി സഞ്ജീവ് (45), എറണാകുളം അഞ്ചുമല സ്വദേശിനി സുലേഖ അബൂബക്കര് (58), തൃശൂര് പുന്നയൂര് സ്വദേശി കുഞ്ഞ് അബൂബക്കര് (75), പാറാവ് സ്വദേശി പ്രസീദ് (42), മലപ്പുറം പൂക്കോട്ടൂര് സ്വദേശി ഹംസ (53), ബിപി അങ്ങാടി സ്വദേശി യാഹു (68), വാളാഞ്ചേരി സ്വദേശിനി സുബൈദ (58), കണ്ണമംഗലം സ്വദേശിനി നഫീസ (66), പൊന്മല സ്വദേശി അഹമ്മദ് കുട്ടി (69), കണ്ണൂര് തളിപ്പറമ്പ് സ്വദേശി ഇബ്രാഹിം (75), ചിറ്റാരിപറമ്പ് സ്വദേശി കാസിം (64), അഴീക്കോട് സ്വദേശി കുമാരന് (67), ഏച്ചൂര് സ്വദേശി മുഹമ്മദ് അലി (72), വയനാട് കല്പ്പറ്റ സ്വദേശിനി ശാരദ (38) എന്നിവരുടേത് കൊവിഡ് മരണമാണെന്ന് സ്ഥിരീകരിച്ചു. ഇതോടെ ആകെ മരണം 1,429 ആയി. ഇത് കൂടാതെ ഉണ്ടായ മരണങ്ങള് എന് ഐ വി ആലപ്പുഴയിലെ പരിശോധനക്കു ശേഷം സ്ഥിരീകരിക്കും.
ഇന്ന് രോഗം സ്ഥിരീകരിച്ചവരില് 168 പേര് സംസ്ഥാനത്തിന് പുറത്ത് നിന്നും വന്നവരാണ്. 6,037 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 734 പേരുടെ സമ്പര്ക്ക ഉറവിടം വ്യക്തമല്ല. തൃശൂര്- 964, എറണാകുളം- 594, തിരുവനന്തപുരം- 625, ആലപ്പുഴ- 686, കോഴിക്കോട്- 664, മലപ്പുറം- 547, കൊല്ലം- 469, കണ്ണൂര്- 306, കോട്ടയം- 385, പാലക്കാട്- 189, പത്തനംതിട്ട- 206, കാസര്കോട്- 172, ഇടുക്കി- 137, വയനാട്- 93 എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്.
എറണാകുളം- 21, കണ്ണൂര്- 16, കോഴിക്കോട്- 13, തിരുവനന്തപുരം- 8, കാസര്കോട്- 7, തൃശൂര്- 5, പത്തനംതിട്ട, പാലക്കാട്- 3 വീതം, കൊല്ലം- 2, ആലപ്പുഴ, കോട്ടയം, മലപ്പുറം- 1 വീതം ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്.
തിരുവനന്തപുരം- 880, കൊല്ലം- 451, പത്തനംതിട്ട- 199, ആലപ്പുഴ- 368, കോട്ടയം- 1,050, ഇടുക്കി- 66, എറണാകുളം- 600, തൃശൂര്- 1,037, പാലക്കാട്- 568, മലപ്പുറം- 1,300, കോഴിക്കോട്- 1,006, വയനാട്- 99, കണ്ണൂര്- 679, കാസര്കോട്- 171 എന്നിങ്ങനെയാണ് പരിശോധനാ ഫലം നെഗറ്റീവായത്. ഇതോടെ 91,784 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 3,25,166 പേര് ഇതുവരെ കൊവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 2,91,964 പേരാണ് ഇപ്പോള് നിരീക്ഷണത്തിലുള്ളത്. ഇവരില് 2,69,424 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 22,540 പേര് ആശുപത്രികളിലും നിരീക്ഷണത്തിലാണ്. 2,887 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. കഴിഞ്ഞ 24 മണിക്കൂറിനിടെ 54,339 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജന് അസ്സെ എന്നിവ ഉള്പ്പെടെ ഇതുവരെ ആകെ 45,31,069 സാമ്പിളുകളാണ് പരിശോധനയ്ക്കായി അയച്ചത്.ഇന്ന് 22 പുതിയ ഹോട്ട് സ്പോട്ടുകളാണുള്ളത്. 14 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. ഇതോടെ ആകെ 694 ഹോട്ട്സ്പോട്ടുകളാണുള്ളത്.