National
രാജ്യത്ത് കൊവിഡ് ബാധിതരുടെ എണ്ണം 78 ലക്ഷം പിന്നിട്ടു; 1,17956 മരണം
ന്യൂഡല്ഹി | രാജ്യത്ത് കൊവിഡ് ബാധിതരുടെ എണ്ണം 78 ലക്ഷം കടന്നു. 24 മണിക്കൂറിനിടെ മാത്രം റിപ്പോര്ട്ട് ചെയ്യപ്പെട്ടത് 53,370 പുതിയ കൊവിഡ് കേസുകളാണ്. 650 പേരാണ് ഒരു ദിവസത്തിനിടെ രാജ്യത്ത് രോഗം ബാധിച്ച് മരിച്ചത്. ഇതോടെ രാജ്യത്ത് ഇതുവരെ കൊവിഡ് ബാധിതരായി മരിച്ചവരുടെ എണ്ണം 1,17,956 ആയി.
78,14,682 കോവിഡ് കേസുകളാണ് ഇന്ത്യയില് ഇതുവരെ റിപ്പോര്ട്ട് ചെയ്യപ്പെട്ടത്. ഇതില് 6,80,680 പേര് നിലവില് കൊവിഡ് ബാധിതരായി ചികിത്സയിലുള്ളവരാണ്. കേസുകളുടെ എണ്ണത്തിലും മരണങ്ങളുടെ എണ്ണത്തിലും കഴിഞ്ഞ ദിവസങ്ങളില് കുറവ് രേഖപ്പെടുത്തിയിട്ടുണ്ട്.
ലോകത്ത് യു എസ് കഴിഞ്ഞാല് ഏറ്റവും അധികം കൊവിഡ് കേസുകള് സ്ഥിരീകരിച്ചത് ഇന്ത്യയിലാണ്. യുഎസ്സില് 8,746,953 പേര്ക്കാണ് ഇതുവരെ കോവിഡ് സ്ഥിരീകരിച്ചത്.
ആകെയുള്ള മരണത്തില് മൂന്നാം സ്ഥാനത്താണ് ഇന്ത്യ. അമേരിക്ക(2,29,284), ബ്രസീല് (1,56,528) എന്നിവിടങ്ങളാണ് ഏറ്റവും അധികം മരണം റിപ്പോര്ട്ട് ചെയ്യപ്പെട്ടത്.