Covid19
കൊവിഡ്: സഊദിയില് ഇന്ന് രേഖപ്പെടുത്തിയത് മൂന്നു മാസത്തിനിടെയുള്ള കുറഞ്ഞ മരണ നിരക്ക്
ദമാം | കഴിഞ്ഞ മൂന്ന് മാസത്തിനിടെ കുറഞ്ഞ മരണ നിരക്ക് രേഖപ്പെടുത്തിയതോടെ സഊദി ആരോഗ്യ മേഖലക്ക് ഇന്ന് ആശ്വാസ ദിനം. 24 മണിക്കൂറിനിടെ 19 പേരാണ് മരിച്ചത്. 474 പേര്ക്ക് പുതുതായി രോഗം സ്ഥിരീകരിച്ചപ്പോള് 500 പേര് രോഗമുക്തി നേടിയതായി ആരോഗ്യ മന്ത്രാലയം അറിയിച്ചു.
മക്ക- 03, ജിദ്ദ- 02, റിയാദ്- 01, അല്ഹുഫൂഫ്- 01, ഹാഇല്- 01, നജ്റാന്- 01, ജിസാന്- 01, അറാര്- 01, അബഹ- 01, ബുറൈദ- 01, തബൂക്- 01, ബൈഷ്- 01, ഹഫര് അല്ബാത്തിന്- 01, സബിയ- 01, സാംത- 01, റാബിഗ്- 01 എന്നീ പ്രദേശങ്ങളിലാണ് ഇന്ന് കൊവിഡ് മരണങ്ങള് സ്ഥിരീകരിച്ചത്. ഇതോടെ ആകെ മരണ സംഖ്യ 5,087 ആയി. 1.5 ശതമാനമാണ് മരണ നിരക്ക്.
71,09,978 സ്രവ പരിശോധനകള് പൂര്ത്തിയായതോടെ 340,089 പേരിലാണ് ഇതുവരെ രോഗം കണ്ടെത്തിയത്. ഇവരില് 326,339 പേര് രോഗമുക്തി നേടി. ആകെ രോഗമുക്തരായവരുടെ നിരക്ക് 95.95 ശതമാനമായി ഉയര്ന്നു, ചികിത്സയില് കഴിയുന്ന 8,663 പേരില് 839 പേര് ഗുരുതരാവസ്ഥയിലാണെന്നും മന്ത്രാലയം അറിയിച്ചു.