International
ബൈഡന്‍ ജയിച്ചാല്‍ പ്രസിഡന്റാകുക കമ്മ്യൂണിസ്റ്റായ കമല: ട്രംപ്
വാഷിംഗ്ടണ്‍ | അമേരിക്കന്‍ വൈസ് പ്രസിഡന്‍ര് സ്ഥാനത്തേക്കുള്ള ഡെമോക്രാറ്റിക് സ്ഥാനാര്‍ഥിയായ ഇന്ത്യന്‍ വംശജ കമല ഹാരിസ് കമ്മ്യൂണിസ്റ്റാണെന്ന് പ്രസിഡന്റ് ഡൊണാല്‍ഡ് ട്രംപ്. പ്രസിഡന്റ് സ്ഥാനത്തേക്ക് ജോ ബൈഡന്‍ ജയിച്ചാല്‍ ഒരു മാസത്തിനുള്ളില്‍ കമല ഹാരിസ് പ്രസിഡന്റായി അവരോധിക്കുമെന്നും ട്രംപ് പറഞ്ഞു.
വൈസ്പ്രസിഡന്റ് സ്ഥാനാര്‍ഥികള്‍ തമ്മിലുള്ള സംവാദത്തില്‍ റിപ്പബ്ലിക്കന്‍ മൈക്ക് പെന്‍സും എതിരാളി കമലാ ഹാരിസും കൊവിഡിനെച്ചൊല്ലി ഏറ്റുമുട്ടല്‍ നടത്തിയിരുന്നു. ഇത് സംബന്ധിച്ച് ഫോക്‌സ് ന്യൂസിന് നല്‍കിയ അഭിമുഖത്തില്‍ പ്രതികരിക്കുകയായിരുന്നു ട്രംപ്.
സംവാദത്തില്‍ കമല ഹാരിസീന്റെ പ്രകടനം തീര്‍ത്തും മോശമായിരുന്നെന്ന് ട്രംപ് പറഞ്ഞു. കഴിഞ്ഞ ദിവസത്തേക്ക് ഒരു മത്സരമായി പോലും ഞാന്‍ കരുതുന്നില്ല. അവര്‍ ഭീതിപ്പെടുത്തി. അത്രക്ക് മോശമായത് നിങ്ങള്‍ക്കിട്ടുമെന്ന് ഞാന്‍ കരുതുന്നില്ല. അവരുടെ കാഴ്ചപ്പാടുകള്‍ നോക്കൂ. കൊലപാതകികളേയും ബലാത്സംഗികളേയും നമ്മുടെ രാജ്യത്തേക്ക് ഒഴുകാന്‍ അതിര്‍ത്തികള്‍ തുറക്കാന്‍ ആഗ്രഹിക്കുന്ന ആളാണ് കമല.
അവര്‍ സോഷ്യലിസ്റ്റല്ല. സോഷ്യലിസത്തിനും അപ്പുറമാണ്. അമേരിക്കക്ക് ഒരു കമ്മ്യൂണിസ്റ്റിനെ കിട്ടാന്‍ പോകുന്നു. ജോയുടെ അരികിലിരുന്ന് ഞാന്‍ ജോയെ നോക്കി. ജോ പ്രസിഡന്റ് സ്ഥാനത്ത് രണ്ട് മാസം പോലും തുടരില്ല. കമല ഒരു മാസത്തിനുള്ളില്‍ തന്നെ പ്രസിഡന്റാകുമെന്നും ട്രംപ് കുറ്രപ്പെടുത്തി.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
