Kerala
ആംബുലന്സിലെ പീഡനം: പ്രതിയുമായി തെളിവെടുപ്പ് നടത്തി
പത്തനംതിട്ട | കോവിഡ് രോഗിയായ യുവതിയെ ആംബുലന്സില് പീഡിപ്പിച്ച കേസിലെ പ്രതി നൗഫലിനെ കൃത്യസ്ഥലത്തെത്തിച്ചു പോലീസ് തെളിവെടുപ്പ് നടത്തി. അന്വേഷണ ഉദ്യോഗസ്ഥനായ അടൂര് ഡിവൈഎസ്പി. ആര് ബിനുവിന്റെ നേതൃത്വത്തില് അടൂര് പോലീസ് ഇന്സ്പെക്ടര് ശ്രീകുമാര് ഉള്പ്പെട്ട സംഘമാണ് പ്രതിയെ കൃത്യസ്ഥലത്തും മറ്റും എത്തിച്ചു തെളിവെടുപ്പ് നടത്തിയത്.
സാക്ഷികളെ കാണിച്ചു തിരിച്ചറിഞ്ഞ പ്രതിയെ കൂടുതല് ചോദ്യം ചെയ്യലിന് വിധേയനാക്കിയതായി ജില്ലാ പോലീസ് മേധാവി കെ ജി സൈമണ് പറഞ്ഞു. കേസില് പഴുതടച്ച അന്വേഷണം നടത്തി നിശ്ചിത സമയത്തിനകം പ്രതിക്കെതിരെ കോടതിയില് കുറ്റപത്രം സമര്പ്പിക്കാന് അന്വേഷണ സംഘത്തിന് നിര്ദേശം നല്കിയതായും അദ്ദേഹം പറഞ്ഞു.
പ്രതിക്ക് കോവിഡ് ടെസ്റ്റുകള് ചെയ്തു റിസള്ട്ട് വന്നശേഷമാണ് പോലീസിന് കൂടുതല് തെളിവെടുപ്പിനും മറ്റുമായി വിട്ടുകിട്ടിയത്. പ്രതിയുടെ മുന്നു ദിവസത്തെ പോലീസ് കസ്റ്റഡി കാലാവധി നാളെ അവസാനിക്കും.