Gulf
സഊദിക്ക് നേരെ വീണ്ടും ഡ്രോണ് ആക്രമണം; ശ്രമം സഖ്യസേന തകര്ത്തു
റിയാദ് | സഊദി അറേബ്യയിലെ തെക്കന് മേഖലയിലെ ജനവാസ കേന്ദ്രങ്ങള് ലക്ഷ്യമാക്കി യെമനിലെ ഹൂത്തികള് വീണ്ടും ഡ്രോണ് ആക്രമണം നടത്തി. ആക്രമണ ശ്രമത്തെ സഊദി സഖ്യ സേന തകര്ത്തതായി വാര്ത്താ ഏജന്സി റിപ്പോര്ട്ട് ചെയ്തു.
ഒരാഴ്ചക്കിടെ നിരവധി തവണയാണ് ഈ മേഖലകളിലേക്ക് ഹൂത്തികള് ആക്രമണം നടത്തിയത്. കഴിഞ്ഞ ദിവസം സിവിലിയന്മാരെ ലക്ഷ്യമിട്ട് ഹൂത്തികള് നടത്തിയ ബാലിസ്റ്റിക് മിസൈല് ആക്രമണത്തെയും സഖ്യസേന പരാജയപ്പെടുത്തിയിരുന്നു.
ആക്രമണങ്ങളെ സഊദി വ്യോമ പ്രതിരോധ സേനകള് തകര്ത്തതായും ഹൂത്തികള് അന്താരാഷ്ട്ര നിയമം ലംഘിക്കുകയാണെന്നും സഖ്യസേന വക്താവ് കേണല് തുര്ക്കി അല് മാലികി പറഞ്ഞു.
---- facebook comment plugin here -----