Idukki
മറയൂരില് ആദിവാസി യുവതിയെ വെടിവെച്ചു കൊന്ന സംഭവത്തില് മൂന്ന് പേര് അറസ്റ്റില്
മറയൂര് | ഇടുക്കി മറയൂരില് ആദിവാസി യുവതിയെ വെടിവെച്ച് കൊലപ്പെടുത്തിയ സംഭവത്തില് മൂന്ന് പേര് അറസ്റ്റില്. കാളിയപ്പന്, മാധവന്, മണികണ്ഠന് എന്നിവരാണ് പിടിയിലായത്. പാളപ്പെട്ടി ആദിവാസി കുടിയിലെ ചന്ദ്രിക (34)യാണ് കൊല്ലപ്പെട്ടത്.
ചന്ദന തടി മുറിച്ച് കടത്തിയത് സംബന്ധിച്ച് ചന്ദ്രിക വനംവകുപ്പിന് വിവരം നല്കിയെന്ന സംശയത്തിലാണ് പ്രതികള് കൃത്യം നടത്തിയതെന്ന് പോലീസ് പറഞ്ഞു. കൃഷിയിടത്തില് കാവല് നില്ക്കുകയായിരുന്നു ചന്ദ്രിക. കളളത്തോക്കുമായെത്തിയ കാളിയപ്പനാണ് ചന്ദ്രികയ്ക്ക് നേരെ വെടിയുതിര്ത്തത്. മണികണ്ഠന്, മാധവന് എന്നീ സുഹൃത്തുക്കളും ഇയാളോടൊപ്പം ഉണ്ടായിരുന്നു. നിരവധി ചന്ദന മോഷണക്കേസുകളില് പ്രതിയാണ് കാളിയപ്പനും മണികണ്ഠനും.
ചന്ദ്രികയുടെ മൃതദേഹം ഇൻക്വസ്റ്റ് നടപടികൾക്ക് ശേഷം കോട്ടയം മെഡിക്കൽ കോളജിലേക്ക് മാറ്റി.
---- facebook comment plugin here -----