സംസ്ഥാനത്ത് അടുത്ത ദിവസങ്ങളില്‍ ഇടിയോടു കൂടിയ മഴക്കു സാധ്യത

ന്യൂഡല്‍ഹി | കേരളത്തില്‍ അടുത്ത ദിവസങ്ങളില്‍ ഇടിയോടു കൂടിയ മഴക്കു സാധ്യതയുണ്ടെന്ന മുന്നറിയിപ്പുമായി കേന്ദ്ര കാലാവസ്ഥാ നിരീക്ഷണ വകുപ്പ്. ആഗസ്റ്റ് 24 മുതല്‍ 26 വരെയുള്ള ദിവസങ്ങളില്‍ തെക്കന്‍ കേരളത്തിലെ മലയോര മേഖലയിലാണ് ഇടിയോട് കൂടിയ മഴ പെയ്യുക. ബംഗാള്‍ ഉള്‍ക്കടലില്‍ രൂപപ്പെട്ട ന്യൂനമര്‍ദം അടുത്ത രണ്ട് ദിവസത്തിനകം രാജസ്ഥാനിലേക്ക് നീങ്ങും. ഇതോടെ ആഗസ്റ്റ് 22 മുതല്‍ 24 വരെ ഗുജറാത്ത്, രാജസ്ഥാന്‍ എന്നിവിടങ്ങളില്‍ അതിതീവ്ര മഴക്കുള്ള സാധ്യതയും കാലാവസ്ഥാ കേന്ദ്രം പ്രവചിക്കുന്നു.

ആഗസ്റ്റ് മാസത്തിലെ നാലാമത്തെ ന്യൂനമര്‍ദം അടുത്ത 48 മണിക്കൂറിനുള്ളില്‍ ബംഗാള്‍ ഉള്‍ക്കടലില്‍ രൂപപ്പെട്ടേക്കുമെന്നും മുന്നറിയിപ്പ് പുറപ്പെടുവിച്ചിട്ടുണ്ട്.