National
മുന്‍ കേന്ദ്ര ധനകാര്യ സെക്രട്ടറി രാജീവ് കുമാര്‍ പുതിയ കേന്ദ്ര തിരഞ്ഞെടുപ്പു കമ്മീഷണര്‍
ന്യൂഡല്‍ഹി | മുന്‍ കേന്ദ്ര ധനകാര്യ സെക്രട്ടറി രാജീവ് കുമാര്‍ പുതിയ കേന്ദ്ര തിരഞ്ഞെടുപ്പു കമ്മീഷണര്‍. ഇതുസംബന്ധിച്ച വിജ്ഞാപനം നിയമ മന്ത്രാലയം പുറപ്പെടുവിച്ചിട്ടുണ്ട്. നിലവിലെ കമ്മീഷണര്‍ അശോക് ലവാസ രാജിവച്ച് ഒഴിയുന്ന ആഗസ്റ്റ് 31ന് രാജീവ് കുമാര്‍ ചുമതലയേല്‍ക്കും. ഏഷ്യന്‍ ഡെവലപ്‌മെന്റ് ബേങ്കിന്റെ (എ ഡി ബി) വൈസ് പ്രസിഡന്റായി ചുമതലയേല്‍ക്കാനാണ് ലവാസ തിരഞ്ഞെടുപ്പ് കമ്മീഷണര്‍ സ്ഥാനം രാജിവച്ചത്.
2018 ജനുവരി 23നാണ് ലവാസ തിരഞ്ഞെടുപ്പു കമ്മീഷണറായി നിയമിതനായത്. രണ്ടു വര്‍ഷം കാലാവധി ബാക്കിയുള്ളപ്പോഴാണ് അദ്ദേഹം സ്ഥാനമൊഴിയുന്നത്. മുഖ്യ തിരഞ്ഞെടുപ്പു കമ്മീഷണര്‍ സുനില്‍ അറോറ അടുത്ത വര്‍ഷം വിരമിക്കുമ്പോള്‍ ആ പദവിയിലെത്തേണ്ട മുതിര്‍ന്ന കമ്മീഷണറായിരുന്നു ലവാസ. എന്നാല്‍, ലവാസ ആ പദവിയിലേക്കു വരുന്നതു തടയാന്‍ കേന്ദ്ര സര്‍ക്കാര്‍ കരുക്കള്‍ നീക്കിയിരുന്നതായി ആരോപണം ഉയര്‍ന്നിരുന്നു. കഴിഞ്ഞ ലോക്‌സഭാ തിരഞ്ഞെടുപ്പിന്റെ പ്രചാരണ വേളയില്‍ പ്രധാന മന്ത്രി നരേന്ദ്ര മോദിക്കും ആഭ്യന്തര മന്ത്രി അമിത് ഷാക്കുമെതിരായ ആറു പെരുമാറ്റച്ചട്ട ലംഘന പരാതികളില്‍ നടപടിയെടുക്കേണ്ടെന്ന കമ്മീഷന്‍ തീരുമാനത്തോടു ലവാസ വിയോജിച്ചത് വലിയ വാര്‍ത്തയായിരുന്നു.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
