Eranakulam
വയോധികയെ ബലാത്സംഗം ചെയ്ത കേസ്; പ്രതികളെ സംഭവ സ്ഥലത്തെത്തിച്ച് തെളിവെടുത്തു
കോലഞ്ചേരി | വയോധികയെ ബലാത്സംഗം ചെയ്ത കേസില് പ്രതികളില് നിന്ന് തെളിവെടുത്തു. പ്രതികളായ മുഹമ്മദ് ഷാഫി, മനോജ്, ഓമന എന്നിവരെ പീഡനം നടന്ന വീട്ടിലെത്തിച്ചാണ് പോലീസ് തെളിവെടുപ്പ് നടത്തിയത്. കേസിലെ രണ്ടാം പ്രതി മനോജ് വൃദ്ധയുടെ രഹസ്യഭാഗങ്ങളില് മുറിവേല്പ്പിക്കാന് ഉപയോഗിച്ച കത്തിയും വീട്ടില് നിന്നും കണ്ടെടുത്തു.
മുവാറ്റുപുഴ ഡി വൈ എസ് പി. മുഹമ്മദ് റിയാസിന്റെ നേതൃത്വത്തിലായിരുന്നു തെളിവെടുപ്പ്. ഇക്കഴിഞ്ഞ രണ്ടാം തിയതിയാണ് എഴുപത്തഞ്ചുകാരിയെ ദേഹമാസകലം മുറിവേറ്റ നിലയില് കോലഞ്ചേരിയിലെ സ്വകാര്യ ആശുപത്രയില് പ്രവേശിപ്പിച്ചത്. കടയിലെത്തിയ ഓര്മ്മക്കുറവുള്ള വൃദ്ധയെ ഓമന പുകയിലയും ചായയും നല്കാം എന്ന് പറഞ്ഞ് വീട്ടിലേക്ക് കൊണ്ടുപോവുകയും ഓമന വിളിച്ചതനുസരിച്ച് എത്തിയ മുഹമ്മദ് ഷാഫി ഇവരെ പീഡിപ്പിക്കുകയുമായിരുന്നു.
---- facebook comment plugin here -----