National
ബി ജെ പി എം പി സാക്ഷി മാഹാരജിന് വധ ഭീഷണി
ഉന്നാവോ| ബി ജെ പി എം പി സാക്ഷി മാഹാരജിന് പാകിസ്ഥാനില്‍ നിന്നും വധ ഭീഷണി ലഭിച്ചതായി പരാതി. ബോംബ് സ്‌ഫോടനത്തിലൂടെ തന്നെ കൊല്ലുമെന്ന് ഭീഷണിപ്പെടുത്തി പാകിസ്ഥാന്‍ നമ്പറില്‍ നിന്ന് ഫോണ്‍ കോള്‍ ലഭിച്ചുവെന്ന് എം പി പോലീസില്‍ നല്‍കിയ പരാതിയില്‍ പറയുന്നു.
സാദര്‍ കൊട്ട്വാലിയിലെ ഇന്‍സ്‌പെക്ടര്‍ ദിനേഷ് ചന്ദ്ര മിശ്രക്കാണ് ഉന്നാവോയില്‍ നിന്നുള്ള എം പി പരാതി നല്‍കിയത്. പാകിസ്ഥാനിലെ ചില തീവ്രവാദ സംഘടനകളില്‍ നിന്ന് രണ്ട് തവണയാണ് വധ ഭീഷണി മുഴക്കി ഫോണ്‍ കോള്‍ ലഭിച്ചതെന്ന് സാക്ഷി പറഞ്ഞു.
കശ്മീര്‍ ഉടന്‍ പാകിസ്ഥാന്റെ ഭാഗമാകുമെന്ന് പറഞ്ഞ ഫോണ്‍ സംഭാഷണത്തില്‍ അയോധ്യയില്‍ നടത്തിയ ഭൂമി പൂജയെ മോശം ഭാഷയില്‍ പരാമര്‍ശിക്കുകയും ചെയ്തുവെന്നും ഫോണ്‍ ചെയ്ത ആള്‍ അവരും അവരുടെ സംഘടനയായ മുജാഹീദ്ദീനും തന്നെ നിരീക്ഷിക്കുകയാണെന്ന് പറഞ്ഞുവെന്നും എം പി പരാതിയില്‍ പറയുന്നു. പ്രധാമന്ത്രിയേയും മോദിയേയും യോഗി ആദിത്യനാഥിനെയും അപമാനിച്ചുവെന്നും സാക്ഷി കൂട്ടിചേര്‍ത്തു.
തന്നെയും തന്റെ വസ്തുവകളെയും സംരക്ഷിക്കാനുള്ള അടിയന്തിര നടപടി സ്വീകരിക്കണമെന്നും പോലീസുകാരോട് അദ്ദേഹം ആവശ്യപ്പെട്ടു. അദ്ദേഹത്തിനും കുടുംബത്തിനും വൈ കാറ്റഗറി സുരക്ഷ നല്‍കിയിട്ടുണ്ടെന്ന് എസ് പി പറഞ്ഞു.
Latest
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
