Kerala
മലവെള്ളപ്പാച്ചിലില് കാര് ഒഴുകിപ്പോയി; രണ്ട് യുവാക്കളെ കാണാതായി
ഇടുക്കി | കനത്ത മഴയെ തുടര്ന്നുണ്ടായ മലവെള്ളപ്പാച്ചിലില് ഇടുക്കിയില് കാര് ഒഴുകിപ്പോയി. ഇതിലുണ്ടായിരുന്ന രണ്ട് യുവാക്കളെ കാണാതായി. ഇന്നലെ വൈകിട്ട് ഇടുക്കി ഏലപ്പാറ-വാഗമണ് റൂട്ടില് നല്ലതണ്ണി പാലത്തിനടുത്തായിരുന്നു സംഭവം. പാലൊഴുകും പാറ വെള്ളച്ചാട്ടത്തിലേക്ക് വാഹനം ഒഴുകിപ്പോയെന്ന് സംശയിക്കുന്നു.
അഗ്നിശമന സേനയും നാട്ടുകാരും രാത്രി വൈകിയും തിരച്ചില് നടത്തിയെങ്കിലും ഇവരെ കണ്ടെത്താനായില്ല. കനത്ത മഴ മൂലം തിരിച്ചില് നിര്ത്തിവെച്ചു. രാവിലെ പുനരാരംഭിക്കുമെന്ന് അഗ്നിശമന വിഭാഗം അറിയിച്ചു.
---- facebook comment plugin here -----