International
മുംബൈ ഭീകരാക്രമണ കേസിലെ പ്രതി തഹവൂര്‍ റാണയുടെ ജാമ്യപേക്ഷ യു എസ് കോടതി തള്ളി
വാഷിംഗ്ടണ്‍| 2008ലെ മുംബൈ ഭീകരാക്രമണ കേസിലെ പ്രതിയായ തഹവൂര്‍ റാണയുടെ ജാമ്യാപേക്ഷ യു എസ് കോടതി തള്ളി. പാകിസ്ഥാന്‍ പൗരനായ കനേഡിയന്‍ ബിസിനസ്‌കാരനായ തഹവൂര്‍ റാണയെ മുംബൈ ആക്രമണത്തിന് ശേഷം ഇന്ത്യ പിടികിട്ടാപുള്ളിയായി പ്രഖ്യാപിച്ചിരുന്നു.
റാണയുടെ 1.5 മില്യണിന്റെ ജാമ്യാപേക്ഷയാണ് യു എസ് കോടതി തള്ളിയത്. ആറ് അമേരിക്കന്‍ പൗരന്‍മാരുള്‍പ്പെടെ 166 പേര്‍ കൊല്ലപ്പെട്ട മുംബൈ ഭീകാരക്രമണത്തിന്റെ സൂത്രധാരനായ റാണ ഡേവിഡ് കോള്‍മാന്‍ ഹെഡ്‌ലിയുടെ സുഹൃത്താണ്. ഇന്ത്യയുടെ ആവശ്യപ്രകാരം ജൂണ്‍ പത്തിന് ലോസ് ആഞ്ചല്‍സില്‍ വെച്ച് യു എസ് സര്‍ക്കാര്‍ റാണയെ വീണ്ടും അറസ്റ്റ് ചെയ്തിരുന്നു.
ജാമ്യം നല്‍കിയാല്‍ ഒളിച്ചോടാന്‍ സാധ്യതയുണ്ടെന്ന് ചൂണ്ടിക്കാട്ടിയാണ് യു എസ് ജില്ലാ ജഡ്ജി ജ്വാകലീന്‍ ചൂല്‍ജിയാന്‍ 24 പേജ് അടങ്ങിയ ജാമ്യാപേക്ഷ തള്ളിയത്. ജാമ്യം ലഭിച്ചാല്‍ റാണ കാനഡിയിലേക്ക് പറക്കാന്‍ സാധ്യതയുണ്ടെന്നും ഇത് ഇന്ത്യയില്‍ വധശിക്ഷ ലഭിക്കാനുള്ള സാഹചര്യത്തില്‍ നിന്ന് രക്ഷപ്പെടാനാകുമെന്നും യു എസ് കോടതി പറഞ്ഞു.
റാണക്ക് ജാമ്യം നല്‍കിയാല്‍ അത് ഇന്ത്യയുമായുള്ള ബന്ധം വഷളാകുമെന്നും കോടതി ചൂണ്ടിക്കാട്ടി.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
