Bahrain
ബഹ്റൈനില് റെസ്റ്റോറന്റില് പൊട്ടിത്തെറി; ഒരു മരണം,ഒന്പത് പേര്ക്ക് പരുക്ക്
മനാമ | ബഹ്റൈനിലെ റെസ്റ്റോറന്റിലുണ്ടായ പൊട്ടിത്തെറിയില് ഒരാള് മരിച്ചു. ഒന്പത് പേര്ക്ക് പരുക്കേല്ക്കുകയും ചെയ്തതായി ബഹ്റൈന് ആഭ്യന്തര മന്ത്രാലയം അറിയിച്ചു
ശനിയാഴ്ച വൈകിട്ടാണ് നോര്ത്ത് ഗവര്ണറേറ്റിലെ സനബിസ് പ്രദേശത്തെ റെസ്റ്റോറന്റില് പിസ്സ തയാറാക്കുന്ന ഓവണ് റിപ്പയര് ചെയ്യുന്നതിനിടെ പൊട്ടിത്തെറിയുണ്ടായത് .സ്ഥാപനത്തിലെ ജീവനക്കാരിയായ 44 വയസുള്ള ആഫ്രിക്കന് വനിതയാണ് മരിച്ചത്. അപകടത്തില് പരുക്കേറ്റവരെ കുറിച്ചുള്ള കൂടുതല് വിവരങ്ങള് പുറത്ത് വിട്ടിട്ടില്ല
അപകടം നടന്ന ഉടന് തന്നെ സിവില് ഡിഫന്സ് വിഭാഗവും, പോലീസും സംഭവ സ്ഥലത്തെത്തി രക്ഷാപ്രവര്ത്തനങ്ങള്ക്ക് നേതൃത്വം നല്കുകയും പരുക്കേറ്റവരെ ഉടന് തന്നെ ആശുപത്രിയില് എത്തിക്കുകയും ചെയ്തു .സംഭവത്തെ കുറിച്ച് ബഹ്റൈന് ആഭ്യന്തര മന്ത്രാലയം അന്വേഷണത്തിന് ഉത്തര വിട്ടിട്ടുണ്ട്.
---- facebook comment plugin here -----