Connect with us

Kerala

ഒരു കിലോ ഹഷീഷ് ഓയിലും 100 കിലോ കഞ്ചാവുമായി രണ്ട് പേര്‍ പിടിയില്‍

Published

|

Last Updated

തിരുവനന്തപുരം |  ലോറിയില്‍ കടത്തുകയായിരുന്ന ഒരു കിലോ ഹഷീഷ് ഓയിലും 100 കിലോ കഞ്ചാവുമായി തലസ്ഥാനത്ത് രണ്ടു പേര്‍ പോത്തന്‍കോട്ട് പിടിയില്‍. ലോറിയിലുണ്ടായിരുന്ന എറണാകുളം കുന്നത്തുനാട് അറക്കിപ്പടി പെരുമാനി എല്‍ദോ എബ്രഹാം (28), കൊല്ലം കുണ്ടറ റെയില്‍വേ സ്‌റ്റേഷന് സമീപം സെബിന്‍ (29) എന്നിവരെയാണ് എക്‌സൈസ് തിരുവനന്തപുരം സര്‍ക്കിള്‍ ഇന്‍സ്‌പെക്ടര്‍ ടി അനില്‍കുമാറിന്റെ നേതൃത്വത്തില്‍ അറസ്റ്റ് ചെയ്തത്.ഇവരുടെ പക്കല്‍ നിന്ന് പിടിച്ചെടുത്ത മയക്ക്മരുന്നിന് അന്താരാഷ്ട്ര വിപണിയില്‍ കോടിയിലധികം വിലമതിക്കുമെന്ന് എക്‌സൈസ് അറിയിച്ചു.

ആന്ധ്രയില്‍നിന്നാണ് മയക്കുമരുന്ന് കൊണ്ടുവന്നതെന്നും പെരുമ്പാവൂര്‍ സ്വദേശിനി ജോളിയാണ് മയക്കുമരുന്ന് കടത്തിന് ചുക്കാന്‍ പിടിക്കുന്നതെന്നും എക്‌സൈസ് സംഘം പറഞ്ഞു.

ജോളിക്കായി അന്വേഷണം തുടങ്ങി. ഇവരുടെ അടുത്ത സഹായിയാണ് എല്‍ദോ. ലോക്ഡൗണോടെ സംസ്ഥാനത്തേക്ക് ഇതര സംസ്ഥാനങ്ങളില്‍നിന്ന് ചരക്ക് വാഹനങ്ങളില്‍ മയക്കുമരുന്ന് കടത്തുന്നതായി എക്‌സൈസ് എന്‍ഫോഴ്‌സ്മന്റെ് വിഭാഗത്തിന് വിവരം ലഭിച്ചിരുന്നു.

 

Latest