കൊൽക്കത്തയിൽ ആറ് നഗരങ്ങളിൽ നിന്നുള്ള വിമാനങ്ങൾക്ക് മൂന്നാഴ്ചത്തേക്ക് നിരോധനം

കൊൽക്കത്ത| കൊറോണ വൈറസ് വ്യാപനം മൂലം ആറ് നഗരങ്ങളിൽ നിന്നുള്ള വിമാനങ്ങൾ തിങ്കളാഴ്ച മുതൽ മൂന്നാഴ്ചത്തേക്ക് കൊൽക്കത്തയിൽ ഇറങ്ങില്ലെന്ന് പശ്ചിമബംഗാൾ സർക്കാർ അറിയിച്ചു. ഡൽഹി, മുംബൈ, പൂനെ, നാഗ്‌പൂർ, അഹമ്മദാബാദ് എന്നീ ആറ് നഗരങ്ങളിൽ നിന്നുള്ള വിമാനങ്ങൾക്കാണ് കൊൽക്കത്തിയിൽ ലാൻഡിംഗ് നിരോധനം ഏർപ്പെടുത്തിയത്.

പശ്ചിമബംഗാൾ സർക്കാറിന്റെ അഭ്യർത്ഥന മാനിച്ചാണ് വിമാനങ്ങൾ നിർത്തിവെക്കാൻ വ്യോമയാന മന്ത്രാലയം തീരുമാനിച്ചത്.

കൊവിഡ് വ്യാപനം മൂലം രാജ്യവ്യാപകമായി ലോക്ഡൗൺ ഏർപ്പെടുത്തിയതിനെത്തുടർന്ന് അന്താരാഷ്ട്ര വിമാന സർവീസുകൾ ഇന്ത്യ ഇപ്പോഴും നിർത്തിവെച്ചിരിക്കുകയാണ്.