National
എസ് ജയശങ്കര് ഫ്രഞ്ച് വിദേശകാര്യമന്ത്രിയുമായി കൂടികാഴ്ച നടത്തി
ന്യൂഡല്ഹി| വിദേശകാര്യമന്ത്രി എസ് ജയശങ്കര് പ്രസാദ് ഫ്രഞ്ച് വിദേശകാര്യമന്ത്രി ജൂന് യുവിസ് ലീയുമായി കൂടികാഴ്ച നടത്തി. സമകാലിക സുരക്ഷയും രാഷട്രീയ പ്രാധാന്യമുള്ള വിഷയങ്ങളും സംബന്ധിച്ച് ഇരുനേതാക്കളും ചര്ച്ച ചെയ്തു.
ഇരുരാജ്യങ്ങള്ക്കും താത്പര്യമുള്ള പ്രാദേശിക ആഗോളതല പ്രശ്നങ്ങളെ കുറിച്ച് വിദേശകാര്യ സെക്രട്ടറിതലത്തില് ചര്ച്ചചെയ്തതിന് ശേഷമാണ് ഇരു വിദേശകാര്യ മന്ത്രിമാരുടെയും കൂടികാഴച നടന്നത്.
കൊവിഡിനെ സംബന്ധിച്ചുള്ള ചര്ച്ചകള് കഴിഞ്ഞ ദിവസം വിദേശകാര്യ സെക്രട്ടറി ഹര്ഷവര്ധന് ശ്രിംഗള ഫ്രഞ്ച് വിദേശകാര്യ സെക്രട്ടറിയുമായി വീഡിയോ കോണ്ഫറന്സ് വഴി ചര്ച്ചചെയ്തിരുന്നു.
ആഗോളമേഖലകളില് കൊവിഡുമായി ബന്ധപ്പെട്ട പ്രശ്നങ്ങള് പരിഹരിക്കുന്നതിനെ സംബന്ധിച്ചും ധാരണയായി. യു എന് സി എസിന്റെ പിന്തുണയില് നന്ദി രേഖപ്പെടുത്തുന്നതായും അദ്ദേഹം പറഞ്ഞു. കഴിഞ്ഞ കുറച്ച് ദിവസങ്ങളിലായി ചൈനയും ഇന്ത്യയും തമ്മില് പ്രശ്നങ്ങള് നടക്കുന്ന സമയത്താണ് ഇരുരാജ്യങ്ങളും തമ്മിലുള്ള ചര്ച്ച എന്നത് ശ്രദ്ധേയകരമാണ്.