Alappuzha
സൈക്കിളില് റോഡ് മുറിച്ചു കടക്കുന്നതിനിടെ മിനിലോറിയിടിച്ച് പരുക്കേറ്റയാള് മരിച്ചു
ചേര്ത്തല | സൈക്കിളില് റോഡ് മുറിച്ചു കടക്കുന്നതിനിടെ മിനിലോറിയിടിച്ച് പരുക്കേറ്റയാള് ചികിത്സയിലിരിക്കെ മരിച്ചു. ആലപ്പുഴ ചേര്ത്തലയിലെ മുഹമ്മ പഞ്ചായത്ത് പതിനാലാം വാര്ഡ് കൊച്ചിനാകുളങ്ങര കുന്നപ്പശേരില് തങ്കപ്പന്റെ മകന് കുഞ്ഞുമോന് (48) ആണ് മരിച്ചത്. കയര് ഫാക്ടറി തൊഴിലാളിയാണ്. ഒപ്പമുണ്ടായിരുന്ന ഭാര്യ വിനോദിനി പരുക്കേറ്റ് ആശുപത്രിയിലാണ്.
ഇക്കഴിഞ്ഞ 12 ാം തീയതി രാത്രി ഒമ്പതോടെ ദേശീയ പാതയില് മാരാരിക്കുളം പോലീസ് സ്റ്റേഷന് വടക്കുഭാഗത്താണ് അപകടമുണ്ടായത്. ഇരുവരും കൂടി മാരാരിക്കുളത്തെ ഭാര്യവീട്ടില് നിന്ന് മടങ്ങിവരുമ്പോഴാണ് അപകടം. സൈക്കിളുമായി റോഡു മുറിച്ചു കടക്കുന്നതിനിടെ അമിത വേഗത്തിലെത്തിയ മിനി ലോറിയിടിക്കുകയായിരുന്നു.
---- facebook comment plugin here -----