National
ഓര്ഡര് ചെയ്തത് കമ്യൂണിസ്റ്റ് മാനിഫെസ്റ്റോ; ലഭിച്ചത് ഭഗവത്ഗീത
കൊല്ക്കത്ത |ഓണ്ലൈന് ഷോപ്പിങ് സൈറ്റായ ആമസോണില് കമ്യൂണിസ്റ്റ് മാനിഫെസ്റ്റോ ഓര്ഡര് ചെയ്ത ആള്ക്ക് ലഭിച്ചത് ഭഗവത്ഗീത. കൊല്ക്കത്ത സ്വദേശിയായ സുദീര്ത്ഥ ദാസിനാണ് കമ്യൂണിസ്റ്റ് മാനിഫെസ്റ്റോക്ക് പകരം ഭഗവത്ഗീതയുടെ സംക്ഷിപ്ത രൂപം ലഭിച്ചത്.
സുദീര്ത്ഥ ദാസ് ബുധനാഴ്ചയാണ്ആമസോണില് കമ്മ്യൂണിസ്റ്റ് മാനിഫെസ്റ്റോ ഓര്ഡര് ചെയ്തത്. അദ്ദേഹത്തിന്റെ ബുക്കിങ് സ്ഥിരീകരിച്ചുകൊണ്ടുള്ള മെസേജും ദാസിന് ലഭിച്ചിരുന്നു. ഓര്ഡര് പുറപ്പെട്ടതായ സന്ദേശവും പിന്നീട് ലഭിച്ചു.
എന്നാല് ശനിയാഴ്ച വൈകിട്ട് 11 ഓടെ ഒരു സ്ത്രീ വിളിക്കുകയും തെറ്റയ പുസ്തകമാണ് അയച്ചതെന്നും പാക്കേജ് നിരസിക്കണമെന്നും ആവശ്യപ്പെട്ടു. എന്നാല് ഓഫീസിലായിരുന്നതിനാല് പാക്കേജ് റദ്ദാക്കാന് അദ്ദേഹത്തിന് സാധിച്ചില്ല.
വീട്ടിലെത്തി പാഴ്സല് തുറന്നപ്പോഴാണ്കമ്യൂണിസ്റ്റ് മാനിഫെസ്റ്റോക്ക് പകരം ഭഗവത് ഗീതയാണ് ലഭിച്ചതെന്ന് കണ്ടത്. പെന്ഗ്വിന് പ്രസിദ്ധീകരിച്ച പുസ്തകം ഭഗവത് ഗീതയുടെ സംക്ഷിപ്ത രൂപമായിരുന്നു.സുദീര്ത്ഥ ദാസ് തന്നെയാണ് ഇക്കാര്യങ്ങള് ഫേസ്ബുക്കിലൂടെ അറിയിച്ചത്