Covid19
കൊവിഡ്; താപനില നിരീക്ഷിക്കാന്‍ സ്മാര്‍ട്ട് ഹെല്‍മറ്റുമായി ദമാം മുന്‍സിപ്പാലിറ്റി
ദമാം | കൊവിഡ് മുന്‍കരുതല്‍ നടപടികളുടെ ഭാഗമായി സഊദിയിലെ കിഴക്കന്‍ പ്രവിശ്യയില്‍ സ്മാര്‍ട്ട് ഹെല്‍മെറ്റുകളുമായി കിഴക്കന്‍ പ്രവിശ്യ മുന്‍സിപ്പാലിറ്റി. പൊതു സ്ഥലങ്ങളിലും കൂടുതല്‍ പേര്‍ ഒത്തുചേരുന്ന സ്ഥലങ്ങളിലും ആളുകളുടെ താപനില നിരീക്ഷിക്കാന്‍ കഴിയുന്ന സ്പെഷ്യല്‍ സ്മാര്‍ട്ട് ഹെല്‍മെറ്റുകള്‍ ഉപയോഗിച്ച് തുടങ്ങിയതായി സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു. അഞ്ച് മീറ്റര്‍ അകലത്തില്‍ നിന്ന് താപനില അളക്കാന്‍ കഴിയുന്ന രീതിയിലുള്ളതാണ് ഹെല്‍മെറ്റുകള്‍. ഇതിന് ഒരു മിനുട്ടില്‍ 200 പേരെ വരെ സ്‌കാന്‍ ചെയ്യാന്‍ കഴിയും.
പരിശോധനയില്‍ പനി കണ്ടെത്തിയാല്‍ പ്രത്യേക അലര്‍ട്ട് പ്രവര്‍ത്തനക്ഷമമാക്കുമെന്നും കിഴക്കന്‍ പ്രവിശ്യയിലെ മേയര്‍ എന്‍ജിനീയര്‍ ഫഹദ് ബിന്‍ മുഹമ്മദ് അല്‍ ജുബീര്‍ പറഞ്ഞു. ആദ്യഘട്ടത്തില്‍ പ്രധാന വാണിജ്യ കേന്ദ്രങ്ങളിലാണ് പരിശോധന നടക്കുന്നത്. ഇതിനായി സ്പെഷ്യല്‍ ഉദ്യോഗസ്ഥരെയാണ് നിയോഗിച്ചിരിക്കുന്നത്. കഴിഞ്ഞ ദിവസം ഇവര്‍ക്കുള്ള പരിശീലനവും മുന്‍സിപ്പാലിറ്റി നല്‍കിയിരുന്നു. പരിശോധനയില്‍ ക്രമാതീതമായ രീതിയില്‍ താപനില വര്‍ധന കണ്ടാല്‍ ഉടന്‍ തന്നെ ആരോഗ്യ മന്ത്രാലയത്തെ അറിയിക്കുമെന്നും മേയര്‍ അറിയിച്ചു.
Latest
വിദ്വേഷ രാഷ്ട്രീയത്തെ സ്‌നേഹം കൊണ്ട് തോല്‍പ്പിക്കുക: കാന്തപുരം
ആരവത്തിലലിഞ്ഞ് പതിനായിരങ്ങള്‍; പൂത്തുലഞ്ഞ് തൃശൂര്‍ പൂരം
കല്യാശ്ശേരിയിലെ വോട്ടിംഗ് ക്രമക്കേട്; അഞ്ച് ഉദ്യോഗസ്ഥര്‍ക്ക് സസ്‌പെന്‍ഷന്‍
പൂഞ്ഞാറില്‍ ഇ വി എമ്മില്‍ നിന്നും അധിക സ്ലിപ്പ് ലഭിച്ചതില്‍ പിഴവ് ഇല്ല: ജില്ലാ കലക്ടര്‍
അറബ് റിപബ്ലിക് ഓഫ് ഈജിപ്ത് അതിഥി രാജ്യം; അബൂദബി അന്താരാഷ്ട്ര പുസ്തകമേള 29 മുതല്‍
ഫിലിപ്പൈന്‍സിന് ബ്രഹ്മോസ് സൂപ്പര്‍സോണിക് ക്രൂയിസ് മിസൈലുകള്‍ കൈമാറി ഇന്ത്യ
