International
പവര്‍ പ്ലാന്റില്‍ നിന്ന് 20,000 ടണ്‍ ഡീസല്‍ ചോര്‍ന്നു; സൈബീരിയയില്‍ അടിയന്തരാവസ്ഥ
മോസ്‌കോ | റഷ്യയില്‍ സൈബീരിയയിലെ പവര്‍ പ്ലാന്റില്‍ നിന്ന് 20,000 ടണ്‍ ഡീസല്‍ ചോര്‍ന്നു. ഇതേ തുടര്‍ന്ന് മേഖലയില്‍ അടിയന്തരാവസ്ഥ പ്രഖ്യാപിച്ചു. ഡീസല്‍ പരന്നൊഴുകി നദികള്‍ ഉള്‍പ്പെടെയുള്ള ജല സ്രോതസ്സുകള്‍ മലിനമായിട്ടുണ്ട്. മോസ്‌കോവിന് 2,900 കിലോമീറ്റര്‍ വടക്കുകിഴക്കായി സ്ഥിതി ചെയ്യുന്ന നോറില്‍സ്‌ക് സിറ്റിയിലെ പവര്‍ പ്ലാന്റിലാണ് ചോര്‍ച്ചയുണ്ടായത്. പലകകള്‍ നിരത്തിയാണ് അംബര്‍നായ നദിയില്‍ ഡീസല്‍ പരക്കുന്നത് തടഞ്ഞത്. മറ്റൊരു നദിയുമായി ചേര്‍ന്ന് പരിസ്ഥിതി ലോലമായ ആര്‍ട്ടിക് സമുദ്രത്തിലേക്ക് ചെന്നു ചേരുന്ന നദിയാണ് അംബര്‍നായ.
ഡീസല്‍ ചോര്‍ച്ചയുടെ പ്രത്യാഘാതങ്ങള്‍ പരമാവധി കുറയ്ക്കാനുള്ള നടപടികള്‍ സ്വീകരിക്കാന്‍ പുടിന്‍ ഉദ്യോഗസ്ഥര്‍ക്ക് നിര്‍ദേശം നല്‍കിയിട്ടുണ്ട്. എന്നാല്‍, ജലസ്രോതസ്സുകളിലെ മത്സ്യങ്ങളുള്‍പ്പെടെയുള്ള വിഭവങ്ങളെ ബാധിക്കുമെന്നതിനാല്‍ 100 കോടി റൂബിള്‍സിന്റെ (ഒരുകോടി 30 ലക്ഷം ഡോളര്‍) നഷ്ടം സംഭവിക്കുമെന്ന് ആഗോള വന്യജീവി ഫണ്ടിന്റെ റഷ്യന്‍ ഘടകം വക്താവ് അലക്‌സി കിഷ്‌നിക്കോവ് പറഞ്ഞു.
Latest
ദളിത് യുവതിക്കെതിരായ വ്യാജ മോഷണ പരാതി; വീട്ടുടമക്കും പോലീസുകാര്‍ക്കുമെതിരെ കേസെടുത്തു
രജിസ്ട്രാറുടെ സസ്‌പെന്‍ഷന്‍; കേരള സര്‍വകലാശാല നാളെ പ്രത്യേക സിന്‍ഡിക്കേറ്റ് യോഗം ചേരും
സ്വകാര്യ ബസ് സമരം ഒഴിവാക്കാന്‍ ഉടമകളുമായി ചര്‍ച്ച നടത്തും: മന്ത്രി കെ ബി ഗണേഷ് കുമാര്‍
ആറാം ക്ലാസ് വിദ്യാര്‍ഥിയെ ലൈംഗിമായി പീഡിപ്പിച്ച കേസ്; പ്രതിക്ക് 9 വര്‍ഷം കഠിനതടവും 85000 രൂപ പിഴയും
മന്ത്രി വീണാ ജോര്‍ജിനെ വേട്ടയാടാനാണ് യു ഡി എഫ് തീരുമാനമെങ്കില്‍ ശക്തമായി നേരിടുമെന്ന് ഡി വൈ എഫ് ഐ
എസ് എസ് എഫ് വണ്‍ ഡ്രോപ്പ് കാമ്പയിന്‍ ആരംഭിച്ചു
