Uae
നാളെ മുതല്‍ ഒരാഴ്ച്ചക്കാലം അബുദാബിയില്‍ യാത്രാ നിയന്ത്രണം
അബുദാബി | ചൊവ്വാഴ്ച്ച മുതല്‍ ഒരാഴ്ച്ചക്കാലം അബുദാബിയില്‍ യാത്രാ നിയന്ത്രണം ഏര്‍പ്പെടുത്തുന്നു. അബുദാബിക്കുള്ളിലെ വിവിധ മേഖലകളിലേക്കും പുറത്തേക്കുമുള്ള സഞ്ചാരത്തിനാണ് നിയന്ത്രണമുള്ളത്. അബുദാബി മീഡിയാ ഓഫിസാണ് ഇക്കാര്യം ട്വീറ്റ് ചെയ്തത്. അബുദാബി, അല്‍ ഐന്‍, അല്‍ ദഫ്‌റ മേഖലകളിലുള്ളവര്‍ക്ക് അതാത് പരിധി കടക്കാന്‍ അനുമതിയില്ല. സ്വദേശികള്‍ക്കും വിദേശികള്‍ക്കും നിയന്ത്രണം ബാധകമാണ്.
അവശ്യമേഖലയില്‍ ജോലി ചെയ്യുന്ന സര്‍ക്കാര്‍, സ്വകാര്യമേഖലാ ജീവനക്കാരെ ഇതില്‍നിന്നും ഒഴിവാക്കിയിട്ടുണ്ട്. കൊവിഡ് പരിശോധന ശക്തമാക്കുന്നതിന്റെ ഭാഗമായാണ് തീരുമാനം. അബുദാബിയില്‍ നിന്നും അല്‍ ദഫ്‌റ,അല്‍ ഐന്‍ മേഖലകളിലേക്കും മറ്റ് എമിറേറ്റുകളിലേക്കും, യാത്ര പോകുന്നതും, ഇവിടങ്ങളില്‍ നിന്നും അബുദാബിയിലേക്ക് വരുന്നതും ഒരാഴ്ചത്തേക്ക് നിരോധിച്ചതായി അബുദാബി പോലീസ് അറിയിച്ചു. കോവിഡ് 19 കൊറോണ വൈറസ് പ്രതിരോധ പ്രവര്‍ത്തനത്തിന്റെ ഭാഗമാണ് നിരോധനം ഏര്‍പ്പെടുത്തിയത്. ജൂണ്‍ രണ്ട് നാളെ മുതല്‍ ഒരാഴ്ചത്തേക്കാണ് നിരോധനം. യുഎഇ പൗരന്മാര്‍ ഉള്‍പ്പെടെ എല്ലാവര്‍ക്കും ഈ നിരോധനം ബാധകമാണ്. സുപ്രധാന മേഖലകളില്‍ പ്രവര്‍ത്തിക്കുന്നവരും പ്രത്യേക പെര്‍മിറ്റുകള്‍ കൈവശമുള്ളവരും മാത്രമേ ഈ നിരോധനത്തില്‍ നിന്ന് ഒഴിവാക്കപ്പെടുന്നുള്ളൂ.
Latest
മാസപ്പടി കേസ്; മുഖ്യമന്ത്രിക്കും മകള്‍ക്കുമെതിരായ ഹരജിയില്‍ വിധി ഇന്ന്
മോഷണക്കേസില്‍ ജയിലിലായി; നിരപരാധിത്വം തെളിഞ്ഞതിന് പിന്നാലെ യുവാവ് ജീവനൊടുക്കിയ നിലയില്‍
സംസ്ഥാനത്ത് മൂന്ന് ദിവസം ഇടിമിന്നലോട് കൂടിയ മഴക്ക് സാധ്യത; ഇന്ന് മൂന്ന് ജില്ലകളില്‍ യെല്ലോ അലര്‍ട്ട്
ലോക്‌സഭാ തിരഞ്ഞെടുപ്പ്; ആദ്യഘട്ട വോട്ടെടുപ്പ് തുടങ്ങി
ഓ അശുതോഷ്...! മുംബൈക്ക് ഒന്പത് റൺസ് ജയം
ന്യൂനപക്ഷ സമുദായങ്ങളുടെ ആരാധനാലയങ്ങള്‍ ആക്രമിക്കുന്നത് അപലപനീയം: കാന്തപുരം തെലങ്കാന മുഖ്യമന്ത്രിക്ക് കത്തയച്ചു
