Kerala
കേരളത്തിന്റെ അതിജീവനത്തിന് മര്കസ് വക ഒരു ലക്ഷം മാസ്കുകള്
കോഴിക്കോട് | സംസ്ഥാന സര്ക്കാറിന് കീഴില് കൊറോണ പ്രതിരോധ മേഖലയില് പ്രവര്ത്തിക്കുന്ന വിവിധ സ്ഥാപങ്ങളിലേക്ക് മര്കസ് ഒരു ലക്ഷം മാസ്കുകള് നല്കും. ഇതിന്റെ ഭാഗമായി കോഴിക്കോട് കലക്ടറേറ്റിലേക്ക് പതിനായിരം മാസ്കുകള് നല്കി പദ്ധതിക്കു തുടക്കം കുറിച്ചു. മര്കസ് നോളജ് സിറ്റി ഡയറക്ടര് ഡോ. എ പി അബ്ദുല് ഹകീം അസ്ഹരി വഴി നല്കുന്ന മാസ്ക്കുകള് കോഴിക്കോട് ജില്ലാ കലക്ടര് സാംബശിവ റാവുവിന് ആര് സി എഫ് ഐ മാനേജര് റശീദ് പുന്നശ്ശേരി, ശമീം കെ കെ ലക്ഷദീപ് എന്നിവര് ചേര്ന്ന് കൈമാറി.
കോവിഡ് പ്രതിരോധ പ്രവര്ത്തനങ്ങള്ക്ക് കേരളത്തിലും വിവിധ സംസ്ഥാനങ്ങളിലും സജീവമായ പങ്കാളിത്തമാണ് മര്കസ് നിര്വ്വഹിക്കുന്നത് എന്ന് ഡോ. എ പി അബ്ദുല് ഹകീം അസ്ഹരി പറഞ്ഞു.
---- facebook comment plugin here -----