Covid19
ജീവനക്കാരുടെ ശമ്പളം മാറ്റിവെക്കാനുള്ള സര്‍ക്കാര്‍ ഓര്‍ഡിനന്‍സിന് അംഗീകാരം
തിരുവനന്തപുരം | കൊവിഡിനെ തുടര്‍ന്നുള്ള സാമ്പത്തിക പ്രതിസന്ധിയുടെ പശ്ചാത്തലത്തില്‍ സര്‍ക്കാര്‍ ജീവനക്കാരുടെ ശമ്പളം മാറ്റിവെക്കാനുള്ള സര്‍ക്കാര്‍ ഓര്‍ഡിനന്‍സിന് അംഗീകാരം. ഗവര്‍ണര്‍ ആരിഫ് മുഹമ്മദ് ഖാന്‍ ഓര്‍ഡിനന്‍സില്‍ ഒപ്പുവെച്ചു. തദ്ദേശവാര്‍ഡ് ഓര്‍ഡിനന്‍സിനും ഗവര്‍ണര്‍ അംഗീകാരം നല്‍കി. ദുരന്തനിവാരണ നിയമപ്രകാരമാണ് ശമ്പളം മാറ്റിവെക്കാനുള്ള ഓര്‍ഡിനന്‍സ് സര്‍ക്കാര്‍ പുറപ്പെടുവിച്ചത്.
ജീവനക്കാരുടെ 25 ശതമാനം വരെ ശമ്പളം മാറ്റിവെക്കാന്‍ സര്‍ക്കാറിന് ഇതിലൂടെ അവസരം ലഭിക്കും. ഈ തുക എന്ന് തിരിച്ച് നല്‍കണമെന്ന കാര്യത്തില്‍ ആറ് മാസത്തിനുള്ളില്‍ അറിയിച്ചാല്‍ മതി. ഇന്നലെ മന്ത്രിസഭ അംഗീകരിച്ച നിര്‍ണായക ഓര്‍ഡിനന്‍സിനാണ് ഗവര്‍ണര്‍ ഒപ്പിട്ടത്.
ജീവനക്കാരുടെ ആറ് ദിവസത്തെ ശമ്പളം വീതം അഞ്ച് മാസം പിടിക്കാന്‍ നേരത്തെ സംസ്ഥാന സര്‍ക്കാര്‍ തീരുമാനിച്ചിരുന്നു. ഇതിനെ എതിര്‍ത്ത് പ്രതിപക്ഷ അധ്യാപക, ഉദ്യോഗസ്ഥ സംഘങ്ങള്‍ ഹൈക്കോടതിയെ സമീപിക്കുകയും ഇത് തടയിപ്പുക്കുകയും ചെയ്തു. ശമ്പളം ജീവനക്കാരുടെ അവകാശമാണെന്നും ഇത് പിടിക്കാന്‍ നിയമപരമായ അവകാശം സര്‍ക്കാറിന് ഇല്ലെന്നും ചൂണ്ടിക്കാട്ടിയായിരുന്നു ഹൈക്കോടതി തടഞ്ഞത്. എന്നാല്‍ ഇതിന് നിയമ സാധുത നേടിയെടുക്കുന്നതിന് വേണ്ടിയാണ് സര്‍ക്കാര്‍ ഓര്‍ഡിനന്‍സ് ഇറക്കിയത്. ഇത് ഗവര്‍ണര്‍ ഒപ്പുവെച്ചതോടെ സര്‍ക്കാറിന്റെ നീക്കം വിജയത്തിലേക്ക് അടുക്കുന്നതായാണ് റിപ്പോര്‍ട്ട്.
നിലവിലെ സാഹചര്യത്തില്‍ ഓര്‍ഡിനന്‍സ് നടപടിക്രമം തീര്‍ത്ത ശേഷം ശമ്പള വിതരണത്തിലേക്ക് കടക്കാനാണ് സര്‍ക്കാര്‍ തീരുമാനം. ആറ് ദിവസത്തെ ശമ്പളം പിടിച്ച ശേഷമാകും നല്‍കുക. നാലാം തിയ്യതി മുതല്‍ ശമ്പളം നല്‍കാനാണ് സര്‍ക്കാര്‍ ആലോചിക്കുന്നത്.
Latest
പോലീസ് ഉദ്യോഗസ്ഥര്‍ക്കെതിരെ ഭീഷണി പ്രസംഗം; കെ എസ് യു കോഴിക്കോട് ജില്ലാ അധ്യക്ഷനെതിരെ കേസെടുത്തു
സംസ്ഥാനത്ത് ഒരാള്‍ക്കുകൂടി അമീബിക് മസ്തിഷ്‌ക ജ്വരം; ആശങ്കപ്പെടേണ്ട സാഹചര്യമില്ലെന്ന് ആരോഗ്യമന്ത്രി
കര്‍ണാടകയില്‍ മുഖംമൂടി സംഘം ബേങ്കില്‍ നിന്നും എട്ട് കോടിയും 50 പവനും കവര്‍ന്നു
മലപ്പുറത്ത് വീട്ടില്‍ നിന്നും 20 എയര്‍ ഗണ്ണുകളും മൂന്ന് റൈഫിളുകളും കണ്ടെടുത്തു; വീട്ടുടമസ്ഥന്‍ അറസ്റ്റില്‍
ഹണി ട്രാപ്പ് കേസ് ജയേഷ് പോക്‌സോ കേസിലും പ്രതി
ഓപ്പറേഷൻ സിന്ദൂറിനിടെ മസൂദ് അസറിന്റെ കുടുംബം കൊല്ലപ്പെട്ടതായി സമ്മതിച്ച് ജയ്ഷെ മുഹമ്മദ് ഭീകര സംഘടന
