Covid19
ആരോഗ്യപ്രവര്ത്തകരെ ആക്രമിക്കുന്നവരെ ജയിലിലടക്കണമെന്ന് സംസ്ഥാനങ്ങളോട് കേന്ദ്രം
ന്യൂഡല്ഹി | രാജ്യത്ത് കൊവിഡ് മാര്ഗനിര്ദ്ദേശങ്ങള് ലംഘിക്കുന്നവരെയും, ആരോഗ്യ പ്രവര്ത്തകരെ ആക്രമിക്കുന്നവരെയും ജയിലലടക്കാന് കേന്ദ്ര നിര്ദ്ദേശം. ഇത്തരം പ്രവര്ത്തനങ്ങളിലേര്പ്പെടുന്നവരെ ഒന്നോ, രണ്ടോ വര്ഷം തടവ് ശിക്ഷ നല്കണമെന്ന് സംസ്ഥാനങ്ങളോട് അഭ്യന്തര മന്ത്രാലയം ആവശ്യപ്പെട്ടു.
മധ്യപ്രദേശിലെ ഇന്ഡോറില് കൊവിഡ് രോഗിയുടെ സമ്പര്ക്ക പട്ടിക തയ്യാറാക്കാനെത്തിയ ആരോഗ്യപ്രവര്ത്തകരെ ജനക്കൂട്ടം ആക്രമിച്ച പശ്ചാത്തലത്തിലാണ് പുതിയ നിര്ദ്ദേശം. ഈ സംഭവത്തില് പതിമൂന്ന് പേരെ പോലീസ് അറസ്റ്റ് ചെയ്തിരുന്നു
ഇന്ഡോറിലെ ടാട്പാട്ടി ഭഗാല് പ്രദേശത്ത് വച്ച് ഇന്നലെയാണ് ജനക്കൂട്ടം ആരോഗ്യപ്രവര്ത്തകരെ ആക്രമിച്ചത്. ഡോക്ടര്മാര്, നഴ്സുമാര് ആശാവര്ക്കര്മാര് എന്നിവരടങ്ങുന്ന സംഘത്തിന് നേരെയാണ് ആക്രമണമുണ്ടായത്.
---- facebook comment plugin here -----