മധ്യപ്രദേശ് മുഖ്യമന്ത്രിയായി ശിവരാജ് സിങ് ചൗഹാന്‍ അധികാരമേറ്റു

ഭോപാല്‍ | കമല്‍നാഥ് സര്‍ക്കാറിന്റെ നേതൃത്വത്തിലുള്ള കോണ്‍ഗ്രസ് സര്‍ക്കാര്‍ വീണതിന് പിറകെ മധ്യപ്രദേശ് മുഖ്യമന്ത്രിയായി ശിവരാജ് സിങ്ങ് ചൗഹാന്‍ സത്യപ്രതിജ്ഞ ചെയ്തു. ഭോപ്പാലിലെ ബിജെപി ഓഫീസില്‍ നടന്ന യോഗത്തിനു ശേഷം രാജ്ഭവനില്‍വെച്ച് രാത്രി ഒമ്പത് മണിയോടെയാണ്അദ്ദേഹം സത്യപ്രതിജ്ഞ ചെയ്തത്.ഇത് നാലാം തവണയാണ് ചൗഹാന്‍ മധ്യപ്രദേശ് മുഖ്യമന്ത്രിപദമേറ്റെടുക്കുന്നത്.

വിശ്വാസവോട്ടെടുപ്പിന് സുപ്രീം കോടതി നല്‍കിയ സമയപരിധി അവസാനിക്കുന്നതിന് തൊട്ടുമുമ്പാണ് കമല്‍നാഥ് മുഖ്യമന്ത്രി സ്ഥാനം രാജിവെച്ചത്. ജ്യോതിരാദിത്യ സിന്ധ്യയും കോണ്‍ഗ്രസിന്റെ 22 എംഎല്‍എമാരും ബിജെപിയിലേക്ക് കൂറുമാറിയതോടെയാണ് കമല്‍നാഥ് സര്‍ക്കാര്‍ നിലംപൊത്തിയത്‌