Kerala
രണ്ടാമൂഴം: ഹൈക്കോടതി ഉത്തരവ് സുപ്രീം കോടതി സ്റ്റേ ചെയ്തു; എം ടിക്ക് നോട്ടീസ് അയച്ചു
ന്യൂഡല്ഹി | രണ്ടാമൂഴം സിനിമയുമായി ബന്ധപ്പെട്ട തര്ക്കത്തില് ഹൈക്കോടതി ഉത്തരവ് സുപ്രീംകോടതി സ്റ്റേ ചെയ്തു. എം ടി വാസുദേവന് നായര്ക്ക് സുപ്രീംകോടതി നോട്ടീസ് അയച്ചു. സംവിധായകന് ശ്രീകുമാര് മേനോന്റെ ഹരജിയിലാണ് നടപടി. നാലാഴ്ചക്കകം മറുപടി നല്കണം എന്നാണ് കോടതിയുടെ നിര്ദ്ദേശം. കേസില് മധ്യസ്ഥ ചര്ച്ച വേണമെന്ന ആവശ്യം തള്ളിയത് കോഴിക്കോട് ജില്ലാ ഫാസ്റ്റ് ട്രാക്ക് കോടതി നടപടി ചോദ്യം ചെയ്താണ് ശ്രീകുമാര് മേനോന് സുപ്രീംകോടതിയിലെത്തിയത്.
അഞ്ച് വര്ഷമായിട്ടും സിനിമ എടുക്കാത്ത സാഹചര്യത്തില് തിരക്കഥ തിരിച്ചുചോദിച്ച് എം ടി കോടതിയെ സമീപിക്കുകയായിരുന്നു. മധ്യസ്ഥതയ്ക്ക് ഇല്ലെന്നും തിരക്കഥ തിരിച്ചുതരണമെന്നുമാണ് ആദ്യം മുതലേ എംടിയുടെ നിലപാട്. എംടിയും വി എ ശ്രീകുമാറുമായുള്ള കരാര് പ്രകാരം മൂന്ന് വര്ഷത്തിനകം ചിത്രീകരണം തുടങ്ങണമായിരുന്നു.
---- facebook comment plugin here -----