Kerala
തെങ്കാശിയില്‍ തീര്‍ഥാടക സംഘത്തിന്റെ വാഹനത്തില്‍ ബസിടിച്ചു; രണ്ടു മലയാളികളടക്കം മൂന്നുപേര്‍ മരിച്ചു
തെങ്കാശി | തമിഴ്‌നാട്ടിലെ തെങ്കാശിയില്‍ വാസുദേവനല്ലൂരിനു സമീപം തീര്‍ഥാടക സംഘത്തിന്റെ വാഹനത്തില്‍ സ്വകാര്യ ബസിടിച്ച് രണ്ടു മലയാളികള്‍ ഉള്‍പ്പെടെ മൂന്നുപേര്‍ മരിച്ചു. കൊല്ലം മാന്നൂര്‍ സ്വദേശി സിഞ്ചു കെ നൈനാന്‍, കല്ലുവാതുക്കലിലെ സിജു തോമസ്, ശിവകാശിക്കാരനായ രാജശേഖര്‍ എന്നിവരാണ് ഇന്നു പുലര്‍ച്ചെ നാലു മണിയോടെയുണ്ടായ അപകടത്തില്‍ മരിച്ചത്.
വേളാങ്കണ്ണിയില്‍ നിന്ന് തീര്‍ഥാടനം കഴിഞ്ഞു മടങ്ങിയവരെ വഹിച്ചുള്ള വാഹനത്തില്‍ ചെന്നൈയില്‍ നിന്ന് ചെങ്കോട്ടയിലേക്ക് പോവുകയായിരുന്ന ബസ് ഇടിക്കുകയായിരുന്നു. തീര്‍ഥാടക വാഹനം തകരാറായതിനെ തുടര്‍ന്ന് റോഡരികില്‍ നിര്‍ത്തിയിട്ടിരിക്കുകയായിരുന്നു. വാഹനം നീക്കാനെത്തിയ റിക്കവറി വാഹനത്തിന്റെ ഡ്രൈവറാണ് മരിച്ചവരിലൊരാളായ രാജശേഖര്‍. വാസുദേവനല്ലൂര്‍ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. മൃതദേഹങ്ങള്‍ ശിവഗിരി സര്‍ക്കാര്‍ ആശുപത്രി മോര്‍ച്ചറിയില്‍.
Latest
സിഗരറ്റുകളെക്കാള്‍ അപകടകാരിയാണോ ഇ - സിഗരറ്റ്
വിഡി സതീശന്‍ പെരുംനുണയന്‍, എല്ലാ കാര്യത്തിലും സത്യവിരുദ്ധ നിലപാട്; മന്ത്രി വി ശിവന്‍കുട്ടി
ക്ഷേമപെന്‍ഷനുകള്‍ അവകാശമല്ലെന്ന സര്‍ക്കാര്‍ നിലപാടിനെതിരെ സംസ്ഥാന ഭിന്നശേഷി കമ്മിഷണര്‍
പക്ഷിപ്പനി; പഞ്ചായത്ത് തല സമിതികള്‍ കൂടി മേല്‍നടപടികള്‍ സ്വീകരിക്കും: മന്ത്രി വീണ ജോര്‍ജ്
സൗമ്യ വിശ്വനാഥന്‍ കൊലക്കേസ്; പ്രതികള്‍ക്ക് ജാമ്യം നല്‍കിയതിനെതിരെ മാതാവ് സുപ്രീംകോടതിയില്‍
വോട്ടിംഗ് മെഷീനുകള്‍ക്ക് തകരാറുണ്ടെന്ന് വ്യാജവാര്‍ത്ത; ഓണ്‍ലൈന്‍ ചാനലിനെതിരെ കേസ്
