മലപ്പുറം | മമ്പാട് എം ഇ എസ് കോളജിലെ കൊമേഴ്‌സ് വിഭാഗം അസിസ്റ്റന്റ്പ്രൊഫസറും എസ് എസ് എഫ് സംസ്ഥാന സെക്രട്ടറിയുമായ എം അബ്ദുർറഹ്‌മാൻ കാലിക്കറ്റ് യൂനിവേഴ്‌സിറ്റി മാനേജ്‌മെന്റ് സ്റ്റഡീസ് (യു ജി) മെമ്പറായി തിരഞ്ഞെടുക്കപ്പെട്ടു. 2011 ഫെബ്രുവരിയിലാണ് എം ഇ എസ് മമ്പാട് കോളജിൽ അധ്യാപകനായി ചുമതലയേറ്റത്. വിസ്ഡം എജ്യൂക്കേഷൻ ഫൗണ്ടേഷൻ ഓഫ് ഇന്ത്യ ഡയറക്ടറാണ്. നേരത്തെ എസ് എസ് എഫ് പഞ്ചായത്ത്, ഡിവിഷൻ, ജില്ലാ തലങ്ങളിൽ സെക്രട്ടറിയായി പ്രവർത്തിച്ചിട്ടുണ്ട്.
കാലിക്കറ്റ് യൂനിവേഴ്‌സിറ്റിക്ക് കീഴിലുള്ള ചുങ്കത്തറ മാർത്തോമ കോളജ് റിസർച്ച് സെന്ററിൽ ഡോ. രാജീവ് തോമസിന് കീഴിൽ ഡിജിറ്റൽ പെയ്‌മെന്റ്സിസ്റ്റം എന്ന വിഷയത്തിൽ പി എച്ച് ഡി ചെയ്യുന്നുണ്ട്. ഭാരതീയാർ യൂനിവേഴ്‌സിറ്റിയിൽനിന്നാണ് എം ഫിൽ പഠനം പൂർത്തിയാക്കിയത്.
ബി കോം, എം കോം, ബി എഡ് എന്നിവ കാലിക്കറ്റ് യൂനിവേഴ്‌സിറ്റിയിൽ നിന്നാണ് ചെയ്തത്. നാഷനൽ സെമിനാറുകളിൽ നിരവധി തവണ ഗവേഷണ പ്രബന്ധങ്ങൾ അവതരിപ്പിച്ചിട്ടുണ്ട്. നിലമ്പൂർ മൂത്തേടം പരേതരായ മുഹമ്മദിന്റെയും ഖദീജയുടെയും മകനാണ്. ഭാര്യ: ഫസ്‌ന. മക്കൾ: മുഹമ്മദ് നാദിഷ്, മുഹമ്മദ് ഫൈസാൻ, മുഹമ്മദ് ലയാൻ.
