National
ജാമിയ മിലിയ വിദ്യാര്ഥികള്ക്ക് നേരെ വെടിയുതിര്ത്തത് ബജ്റംഗ് ദള് പ്രവര്ത്തകന്; കൊലപാതക ശ്രമത്തിന് കേസെടുത്തു
ന്യൂഡല്ഹി | പൗരത്വ നിയമ ഭേദഗതിക്കെതിരെ സമരം ചെയ്ത ജാമിയ മിലിയ സര്വകലാശാലയിലെ വിദ്യാര്ഥികള്ക്ക് നേരെ വെടിയുതിര്ത്ത ആളുടെ പേരില് കൊലപാതക ശ്രമത്തിന് പോലീസ് കേസെടുത്തു. 17 വയസുകാരനായ ഇയാള് ഉത്തര്പ്രദേശില് നിന്നുള്ള 11-ാം ക്ലാസ് വിദ്യാര്ഥിയാണെന്ന് ഡല്ഹി പോലീസ് അറിയിച്ചു.
ആയുധ നിയമപ്രകാരമുള്ള കുറ്റങ്ങളും വിദ്യാര്ഥിയുടെ പേരില് ചുമത്തിയിട്ടുണ്ട്. ഇയാള് ബജ്റംഗ് ദള് പ്രവര്ത്തകനാണ് എന്നാണ് പുറത്തുവരുന്ന റിപ്പോര്ട്ടുകള്. ബജ്റംഗ് ദള് റാലികളില് ഇയാള് പങ്കെടുത്തതിന്റെ തെളിവുകള് പുറത്ത് വന്നിട്ടുണ്ട്.പൗരത്വനിയമ ഭേദഗതിക്കെതിരായി പ്രതിഷേധിക്കുന്നവരെ അക്രമിക്കാന് ദിവസങ്ങഴള്ക്ക് മുമ്പ് തന്നെ ഇയാള് പദ്ധതിയിട്ടിരുന്നതായും പോലീസ് വ്യക്തമാക്കി.
---- facebook comment plugin here -----