Gulf
ലുലു ഹൈപ്പര്‍ മാര്‍ക്കറ്റില്‍ ഇന്ത്യാ ഉത്സവിന് തുടക്കം
അബൂദബി | ഇന്ത്യയില്‍ നിന്നുള്ള ഭക്ഷണ പാനീയങ്ങളുടെയും മറ്റ് ഉത്പന്നങ്ങളുടെയും വിപുലമായ കച്ചവട മേള “ഇന്ത്യാ ഉത്സവിന്” ലുലു ഹൈപ്പര്‍ മാര്‍ക്കറ്റുകളില്‍ തുടക്കമായി. റിപ്പബ്ലിക് ദിനാഘോഷങ്ങളുടെ കൂടി ഭാഗമായി ജനുവരി 28 വരെയാണ് ഉത്സവം നടക്കുക. ഇന്ത്യയിലെ വിവിധ സംസ്ഥാനങ്ങളില്‍ നിന്നുള്ള ഭക്ഷണ വിഭവങ്ങള്‍, പാനീയങ്ങള്‍, നൃത്ത സംഗീതമടക്കമുള്ള സാംസ്‌ക്കാരിക പരിപാടികള്‍ എന്നിവയെല്ലാം ഈ ദിവസങ്ങളില്‍ ലുലു ഹൈപ്പര്‍ മാര്‍ക്കറ്റുകള്‍ സന്ദര്‍ശിക്കുന്നവര്‍ക്ക് ആസ്വദിക്കാന്‍ കഴിയും.
ഇന്ത്യയില്‍ നിന്നുള്ള മൂവായിരത്തോളം വ്യത്യസ്ത ഉത്പന്നങ്ങളാണ് ഇവിടെ പ്രദര്‍ശിപ്പിച്ചിരിക്കുന്നത്. അല്‍ വഹ്ദ മാളില്‍ നടന്ന ചടങ്ങില്‍ ഉത്സവത്തിന്റെ ഉദ്ഘാടനം യു എ ഇയിലെ ഇന്ത്യന്‍ സ്ഥാനപതി പവന്‍ കപൂര്‍ നിര്‍വഹിച്ചു. ലുലു ഗ്രൂപ്പ് സി ഇ ഒ സൈഫി രൂപവാല, റീജ്യണല്‍ ഡയറക്ടര്‍ ടി പി അബൂബക്കര്‍, സി സി ഒ. വി നന്ദകുമാര്‍ എന്നിവര്‍ സംബന്ധിച്ചു. ഭക്ഷണ വിഭവങ്ങള്‍ക്ക് പുറമെ ഇന്ത്യയുടെ തനത് കലാരൂപങ്ങള്‍ സ്വദേശികള്‍ക്കും മറ്റ് രാജ്യങ്ങളില്‍ നിന്നുള്ളവര്‍ക്കും മുന്നില്‍ അവതരിപ്പിക്കുന്ന മികവാര്‍ന്ന പദ്ധതിയാണിതെന്ന് പവന്‍ കപൂര്‍ പറഞ്ഞു. ഇന്ത്യന്‍ സംസ്‌കൃതിയും രുചിഭേദങ്ങളും ലോകത്തിന് മുന്നില്‍ അവതരിപ്പിക്കുക എന്ന ലക്ഷ്യത്തോടെ എല്ലാ വര്‍ഷവും ഇത്തരത്തിലുള്ള പരിപാടികള്‍ സംഘടിപ്പിക്കാറുണ്ടെന്ന് സൈഫി രൂപവാല പറഞ്ഞു.
Latest
കൊല്ലം ഒരു വികാരമാണ് ,വിജയം സുനിശ്ചിതം ; എം മുകേഷ്
വയനാട്ടില്‍ വോട്ട് പിടിക്കാന്‍ വീണ്ടും ഭക്ഷ്യക്കിറ്റ് ; ബിജെപി പ്രാദേശിക നേതാവിന്റെ വീട്ടില്‍ നിന്ന് ഭക്ഷ്യക്കിറ്റ് പിടികൂടി
ഹൈദരാബാദിലെ ബിജെപി സ്ഥാനാര്‍ഥി കൊമ്പല്ല മാധവി ലതക്ക് 221.37 കോടിയുടെ ആസ്ഥി
ബാറില്‍ ഭീകരാന്തരീക്ഷം സൃഷ്ടിച്ച പ്രതികളെ കസ്റ്റഡിയില്‍ എടുക്കാനെത്തിയ പോലീസിനു നേരെ ആക്രണം; യുവാക്കള്‍ അറസ്റ്റില്‍
പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് നല്‍കി കേന്ദ്ര കാലാവസ്ഥ വകുപ്പ്
പ്രധാനമന്ത്രിയുടെ വിദ്വേഷ പ്രസംഗത്തെ വിമര്‍ശിച്ച ബി.ജെ.പി ന്യൂനപക്ഷമോര്‍ച്ച നേതാവിനെ പുറത്താക്കി
