ഗൗരി ലങ്കേഷ് വധം: ഒളിവില്‍പോയ പ്രതി പിടിയില്‍

ബെംഗളൂരു | മാധ്യമപ്രവര്‍ത്തക ഗൗരി ലങ്കേഷിന്റെ വധവുമായി ബന്ധപ്പെട്ട കേസില്‍ഒളിവില്‍ കഴിഞ്ഞിരുന്ന പ്രതി പിടിയില്‍. ഋഷികേഷ് ദേവ്ദികര്‍ എന്നയാളെയാണ് കര്‍ണാടക പോലീസിന്റെ പ്രത്യേക അന്വേഷണ സംഘം ജാര്‍ഖണ്ഡിലെ ധന്‍ബാദ് ജില്ലയിലെ കതരാസില്‍നിന്ന് അറസ്റ്റ് ചെയ്തത്.കേസിലെ പതിനെട്ടാം പ്രതിയാണ്.

2017 സെപതംബര്‍ അഞ്ചിനാണ് ഗൗരി ലങ്കേഷ് ബെംഗളൂരുവിലെ വസതിക്കു മുന്നില്‍ വെടിയേറ്റ് കൊല്ലപ്പെട്ടത്. തീവ്ര വലതുപക്ഷ സംഘടനയായ സനാതന്‍ സന്‍സ്തയുമായും ഹിന്ദു ജനജാഗ്രതി സമിതിയുമായും ബന്ധമുള്ളയാളാണ് ഋഷികേശ്.

കൊലപാതകത്തിന്റെ മുഖ്യ ആസൂത്രകരില്‍ ഒരാളാണ് ഋഷികേശെന്നും കൊലയാളികള്‍ക്ക് പരിശീലനവും തോക്കുകളും എത്തിച്ചുനല്‍കിയത്ഇയാളാണെന്നും കുറ്റപത്രത്തില്‍ പറയുന്നു. ഋഷികേശിനെ നാളെ കോടതിയില്‍ ഹാജരാക്കും